3913/2024-2025

Lunglei, 2025 Pawlkut thla ni 22: Vawiin khan Lunglei District Election Officer Pi Navneet Mann chuan village council (VC) leh local council (LC) inthlana duty turte tana postal ballot hmanga vote thlak chungchanga a hnuaia mi ang hian hriattirna a chhuah.

"General Election to Local Council leh Village Council, 2025-a official duty turte Polling Personnel, Security Official leh Election kaihhnawiha Official Duty tura ruat zawng zawng tan Postal Ballot hmangin vote a thlak theih dawn a. Postal Ballot hmanga vote thlak turte'n Form 21, Annexure I(A) for Village Council leh Form 21, Annexure I(B) for Local Council te District Election Office, Lunglei Top Floor- ah ni 22.01.2025 aṭangin lak chhuah leh submit theih a ni e.

1. Category I: Lunglei District-a vote neite

Last Date of Submission: 07.02.2025 (Zirtawpni)

2. Category II: Lunglei District pawna vote neite

Last Date of Submission: 01.02.2025 (Inrinni)

"Application form theh luh rualin photocopy of Appointment Letter leh attested photocopy of EPIC thil tel tur a ni."