3914/2024-2025

Aizawl, the 22nd January, 2025: New Delhi-a cham mek Mizoram Governor Gen (Dr) VK Singh, PVSM, AVSM, YSM (Retd) chuan vawiin khan Vice President Pu Jagdeep Dhankhar chu Vice President's Enclave-ah hmuin a kawm a. A ni bakah hian Sawrkar laipuia Minister pawimawh tak takte hmuin Mizoram hmasawn nana tul leh pawimawh hrang hrangte a sawipui a ni. 

Mizoram Governor hian Vice President bakah hian Sawrkar laipuia Home Minister Pu Amit Shah, Road Transport & Highways Minister Pu Nitin Gadkari, Communications & Development of North Eastern Region (DoNER) Minister Pu Jyotiraditya Scindia, Power & Housing and Urban Affairs Minister Pu Manohar Lal Khattar te a hmu bawk a ni.