Vawiin chawhnu khan State Election Commissioner Pu C.Ropianga hovin a pisaah nakuma Village Council leh Local Council inthlan neih tur chungchang ngaihtuahin sorkar mi pawimawh te an thukhawm.
State Election Commission (SEC) thupek angin District paruk Aizawl, Lunglei, Serchhip, Champhai, Mamit leh Kolasib District a Village Council Electoral Rolls buatsaih hna chu District tina Deputy Commissioner/ District Election Officer, Addl.Deputy Commissioner/ Electoral Registration Officer leh District Local Administration Officer/ Assistant Electoral Registration Officer ten 2.9.2011 atang khan an buaipui a, 1.11.2011 khan Draft Electoral Rolls chu tarchhuah ni tawhin ni 21.11.2011 - 30.11.2011 chhung hian a sawisel theih hun chhunga sawiselnate chinfel mek a ni. Kum 2009 Village Councils inthlan atanga 2012 Draft Electoral Rolls punna chu 10.30% a ni a, hei hi khaw hrang hranga Electors punna 10% aia tamna khua te a bik taka SEC thupek anga ennawn a nih leh dawn avangin ni 10.1.2012 a Final Electoral Rolls tarchhuah hunah chuan a la danglam tura ngaih a ni.
Meeting chuan 2012 Village Council inthlan leh Aizawl Municipal Area a Local Council inthlanna hi a ruala neih tha in a hria a, sawrkar nena inrawnin nakum February thla chhunga inthlan buatsaih hman tum a ni. Local Council inthlan inbuatsaihna atan SEC chuan Local Council Electoral Rolls buatsaih chu a hmachhawp hmasa ber a ni a, Local Council Electoral Rolls atan hian kum 2010 Aizawl Municipal Council inthlan a Electoral Rolls chu Draft Rolls a hmangin Summary Revision kalpui turin ruahmanna a siam a ni. Aizawl Municipal Council Area-ah hian Polling Station 174 awmin Registered Voters 1,68,649 an awm a, Revision neih hunah voters engemawzata pung tura ngaih a ni.
Electoral Rolls Revision Schedule chu hetiang hian duan a ni: Draft Publication of Electoral Rolls : 1.12.2011 Sawisel duh te tan Claims & Objections thehluh theih hun chhung : 2.12.2011 - 14.12.2011 Disposal of Claims & Objections: 15.12.2011 - 6.1.2012 Printing of Electoral Rolls: 7.1.2012 -17.1.2012 Final Publication of Electoral Rolls: 18.1.2012
