Animal Husbandry & Veterinary Department hnathawk te chuan in tuaitharna leh inhlan thar na hun “Re-dedication to Service Function” cum Department Magazine tlangzarhna hun vawiin khan an Department Conference Hall, Khatla-ah an hmang a, Pu H.Liansailova, Finance Minister-in a hmanpui.

He hun Dr. L.B.Sailo, Director AH&Vety Department kaihhruaiah hian Khuallian Pu H. Liansailova chuan ranvulh hi kan nunphungah a bet tlat a, “Ran hrisel zawk leh hlawk zawk a vulh a nih theih nan department hnathawk te in pawimawh a, mipui te rinngam ni tur leh thawhhona tha tak nei thei turin in thiamna hmang chhuak tam ula,thahnem ngai takin thawk rawh u”,a ti a. Ram economy a than zel theihnan sa a intodelh te kan mamawh ani, ti in, hemi kawngah tan la thar deuh deuh turin a fuih a. Hmachhawp tha tak nei turin a chah bawk. Departmental Magazine AH& Vety Department-in tun kum nga kalta chhunga an hnathawh tarlanna chu khuallian hian a tlangzarh nghal a ni.

He hun hi Department changtu minister Pu Nihar Kanti Chakma pawhin hmanpuiin, Department in tha taka hna a thawh avanga lawmawm a tih thu sawiin, an hnathawh that tarlanna bu magazine tha taksiamani thei te chu department hnathawkte inpekna anih thu a sawi. Minister chuan “Inthlang ram kan ni a, keini politician te chu thlan tlin kan nih loh chuan awmlo mai thei kan ni a, nangni officialte chu sawrkara inthlakah pawh awm reng tur, a thawktu diktak in ni a, chuvang chuan neitu chan changin in hna hi thawk rawh u”,a ti a ni. Ram tana thawk an nih in hre reng a khawi hmunah pawh awm se la theihtawp chhuah zelturina chah bawk. Minister leh official ten thawh hona tha tak an nei thei chu lawmawm a tih thu a sawi bawk.

He hun hi session hnih a then niin, chawhma lamah hian Rev. C. Lalsangliana, Member Ethics Committee chu resource person niin, kalkhawm te fuihthar na thu a sawi a. Chawhnu lamah hian intiamtharna Dr.Saingura Sailo, Registrar, MSVC kaihruaia neih a ni a, sawihona a hun tawp hman a ni.