Ni 25/6/2014(Nilaini) khan AH & Vety Minister Pu C. Ngunlianchunga chuan NLUP hnuaia vawkpui vulh tute - Piglet Multiplication Centre (PMC) an vawk farm ngei a kal in a tlawh kual. Vawkpui vulh tu te hian vawk natna PRRS vang in harsat na an tawk nasa hle a,vawk eng emaw zat an thih phah a, a thi lo, nat na pai si te pawh Central Sorkar duh ang in tih riral an ni. PMC hnuaia vawkpui vulhtute hian vawk 1901 an ti thi tawh a, an zing a ti thi tam ber hian 364 lai a chan tawh . Heng harsatna te sutkian dan tur leh hma lak chhunzawm dan tur te Minister hian a sawi pui a. Tuna an mamawh ber chu vawk te hrisel, a pui a vulh tlak leh vawk chaw man tlawm zawk a lei tur a nih thu vawk vulhtute chuan Minister an hrilh. Minister chuan a theih ang a tanpui ngei a tum thu a hrilh a, vawkpui vulhtute an lawm hle.
NLUP hnuaia loan pung awm lo ( Interest free Loan ) hi vawkpui vulh tu mi 16 hnen ah Rs 10.00 lakhs theuh pek a ni a, loan an rul tan chauh tih in vawk nat na PRRS Mizorama lo leng hian a tibuai a, vawk te an thi nasa in a pui in no a chhiat bawk avang in loan hi an rul chhunzawm thei ta rih lo ani. Interest Free Loan chungchang hi Chief Secretary kaihhruaina hnuaia Committee pawh in a ngaihtuah tawh a, loan an rulh theih na turin an loan rulh tan tun ( moratorium period ) pawh kum khat dang a pawh sei a lo rem tih sak tawh a ni.
Minister hi AH & Vety Director leh Officers ten an tawi awm a, vawkpui vulh tute harsatna sut kian nan hian vawkte 10 theuh pe tura ruhmanna an siam thu leh vawk chaw subsidy pawh NLUP Board lama proposal an theh luh thu an sawi.Vawk thi leh a hri vei tih ri ral sak (culling) zangna dawmna (compensate) na tur pawh Central Sorkar ah thlen tawh anih thu te an sawi. PRRS do na tur hian Central lam hi sum eng emaw zat an rawn pek tawh thu an sawi nghal bawk.
Tunlai vawk natna lar tak, Porcine Reproductive and Respiratory Syndrome (PRRS) avang hian Mizoram ah vawkte leh vawk sa a vang hle. Chuvang in NLUP hnuai a vawk vulh thlang tute hnen a vawk te sem mai tur pawh a van thu Officials te hian an sawi a. Vawk te punna tur in RKVY lam ah te pawh scheme siam in kumin chhung in vawkte 2000 a sem dawn bawk. Department lam pawh in hma la in vawk farm awmsa te siam tha tur in hma ala tan mek a, Thingsulthliah ah vawkpui 200 vulh na tur farm thar ruahman mek ani bawk.
