Vawiin chawhnu dar 12:00 khan Pu Joseph Lalhimpuia ,Vice Chairman ,HPC Lunglei chuan Lunglei Venglai ah AXIS Bank Branch thar a hawng.

Pu Joseph Lalhimpuia chuan Mizoram in hma a sawn nasa tih Private Bank tam zawk te lo lut zel hian a tichiang a ni a ti a. Bank hnathawktute chu hawihhawm leh dawr nuam taka mipui te rawngbawl turin a chah a ni. ATM tamtak chu hman a nih hnu reiloteah hman theih lohvin reitak a awm zui leh mai thin a.ATM te hi mipui te harsatna sukiang turin darkar 24 chhung hman theih in a awm a ngai a ni a ti. AXIS Bank pawh hi South Asia Pacific Area a Bank tha berte zing a mi a ni a, Lunglei ah he Bank in Branch thar an hawng chu thil lawmawm tak leh hmasawnna a nih thu a sawi.

AXIS Bank thar hawnna programme hi Pi K.Zorampari ,Branch Manager in a kaihruai a,Pu Jabir H Rahim, Circle Prime Head, AXIS Bank Ltd. ,Northeast Area pawh Bank Branch thar hawnna ah a lo tel ve a ni. He Branch hawn thar ah hian staff 7 awmin Mizoram a an Branch pahnihna a ni.