Vawiin khan HPC Vice-Chairman Pu S. Laldingliana hovin ama office chamber-ah kumina HPC meeting hmasa ber neih a ni.

Meeting kaihruaitu Vice-Chairman Pu S.Laldingliana sorkar kumthar 2014-2015 chhunga HPC Budget chu Rs.6.5 crores a ni dawn a, Development Works atan Rs.4.8 crores ruahman a ni ang a, a bak chu office mamawha hman tura ruahman a ni, a ti. Lunglei hming put chhan chei dan turah Chief Minister pawhin a phurpui hle tih a sawi bawk. Kum 2014-2015 chhunga Lunglei District hmasawnna atana Project thlanna leh sawihona neih a ni a, kum 2013-2014 chhunga project hnathawh la puitlin loh te chu kalpui chhunzawm nise tih an rel bawk a ni. Kum 2014-2015 chhunga HPC Project thehluhte chu ngaih pawimawh zual leh sum tam tham hman a ngaih lohna turte chu pawmtlan a ni a. HPC Project-a tel lo, Vice-Chairman leh Member dangte ngaih pawimawh thenkhat - DC Conference Hall Vertical Extension, Mualthuam ‘S’ Private H/S sak leh Bazar Venga Pick-up Stand-a zun in sak te sawihova pawm a ni bawk.

Vice-Chairman chuan Member-te ngaih pawimawh zawng Project 10 theuh ngaihtuah turin a ngen a, HPC meeting lehah ngaihtuah ho tura chhawpchhuah a ni ang tih a hrilh nghal a ni.