Vawiin khan Agriculture Director, Dr. C. Lalzarliana chuan Department of Agriculture & Cooperation, Govt. of India hotute Video Conferencing neih puiin kum 2011-2012 chhunga ATMA hnuaia sum hman tur ruahmanna State Extension Work Plan (SEWP) an sawi ho.
He SEWP 2011-2012 chhungah hian Mizoram ATMA hnuaia District 8 a Agriculture leh a kaihhnawih Department hrang hrangte leh State Hqrs. a sum hman tur Rs. 806.50 lakh ruahman a ni a. He Work Plan hi uluk taka sawiho a nih hnuah Department of Agriculture & Cooperation, Govt. of India chuan Mizoram tan a pawmpui ta a ni.
He Rs. 806.50 lakh hi training huaihawtna tur te, loneituten ram chhung leh State dang atanga thiamna an dawn belhna tur te, Demonstration neihna tur te, Exhibition buatsaih tur te, he scheme hnuaia thawktute hlawh atan a hman tura ruahman a ni.
He scheme hnuaiah hian loneitute leh a thawktuten tawngka mai bakah an hmuh a, an rin a, thiamna tak tak an puak chhuah theuhna tur leh anmahni ngeiin a tih a an tih atanga an thiamna a lo pun zel theihna tur leh an thiamna tangkai lehzuala an hman theihna tura chher hriam hi a tum bulpui pakhat a ni bawk.
He scheme hi Agriculture mai bakah Agriculture leh a kaihhnawih Department hrang hrang hnuaia kuthnathawktute chawikanna tura hmanraw hrang hrang hmanna tura ruahman a ni.
Attachment
- Loading attachment...
