Vawiin khan India ram  hmun dang te rualin Mizoram ah  Vigilance Awareness Week hman  tan a ni a, New Capital Complex, Aizawl ah Chief Secretary Pu Lalnunmawia Chuaungo hovin sawrkar hnathawk ten thutiamna an nei a ni.

Vigilance Awareness week hi kum tinin Sardar Vallabhai Patel-a pian champha phak pualin hapta khat (28th October- 2nd November) chhung hman thin a ni a. Kumin ah hian "Integrity- a way of life" tih chu thupui a hman tur a ni.

Vigilance Awareness week ah hian mipui, a bikin thalai te hnenah rinawm taka hna thawh a pawimawh zia te, inthliar hranna a leh hlemhletna laka inthiar fihlim chhunga khawtlang nun siam that a pawimawh zia te inhrilhhriatna neih thin a ni.