2069/2025-2026

Dated Aizawl, the 27th October, 2025: Central Vigilance Commission chuan India ram pumah vawiin, October ni 27, 2025 atanga November ni 2, 2025 hi eirukna leh hlemhletna do kawnga mipuite zirtirna hun, Vigilance Awareness Week-ah a puang a. Vawiin khan Pu Sudhir Kumar, Principal Secretary, General Administration Department kaihhruaiin Secretariat (Main Building) kawtzawlah Secretariat-a thawktute’n thutiam (pledge) an chham rual a ni.

Kumin Vigilance Awareness Week thupui chu ‘Vigilance: Our Shared Responsibility’ tih a ni a. Bharat Ratna Sardar Vallabhbhai Patel-a piancham (October ni 31) karah hman thin a ni. He Week puala video clip siam chu DIPR, DDK, LPS leh Zonet-ah te tihchhuah a ni dawn a ni.