2068/2025-2026

Champhai, dated 27th October 2025: Vawiin chawhnu dar 1 khan Mizoram State Commission for Women leh National Commission for Women New Delhi tangkawp buatsaih Anti Human Trafficking Awareness/ Capacity Building chungchang in zirtirna Circuit House Conference Hall, Champhaiah neih a ni a, Pi C. Zodinpuii, Chairperson, Mizoram State Commission for Women chuan a kaihruai a ni.

He hunah hian District Bawrhsap Pu Mohammad Aaquib, Champhai SP Pu Lokeshwaran R leh Pi Delina Khongdup, Member, National Commission for Women, New Delhi te'n thu sawiin mihring hmanga sumdawn hi mi zawng zawng chunga thleng thei a nih avangin hemi laka mipuite inven dan tur te, a tuartute hriatchhuah leh chhanchuahna kawng hmalak dan tur te, mihring hmanga sumdawnna dan chah a nih theih nana mipui te leh venhimna hna thawktute thuam chakna tur hrang hrang an sawi a ni.

Vawiin Anti Human Trafficking Awareness neih ah hian The Immoral Traffic (Prevention) Act, 1957 chungchang te, Nature, Causes and Trends of Human Trafficking in Mizoram, Identification, Rescue and Reintegration of Victims chungchang te, Developing a Referral and Support Network leh Shelter Home Councelling, Legal Aid and Rehabilitation chungchang zirtirna Pu T Lalnunsiama Advocate, Member, Legal Cell, Mizoram State Commission for Women, Pu V. Lalduhawma, Dy. SP Champhai leh Pi Zonunpari, Member Secretary, Mizoram State Commission for Women te'n an nei a, Pu Lalrinmuana, District Programme Officer, Champhai in zawhna leh chhanna hun a kaihruai a ni.

Vawiina hun hmanah hian MHIP & MUP Sub Hqtrs aiawh, zirlai naupang, Govt Champhai College lecturer te, DCPU Office, One Stop Centre, Shakti Sadan, District court, I&PR Officials te an tel a ni.