No.3768/2020-2021

Mamit 4th August, 2020 : Vawiin khan DC Conference Hall, Mamit-ah kan hma lawka kan hmachhawn tur Village Council Election, 2020 atana Returning Officer-a ruatte tan training neih a ni a. Dr Lalrozama, IAS District Election Officer/District Bawrhsap chuan training hi a telpui.

District Election Officer chuan Village Council Election kan hmachhawn turah inbuatsaihna kalpui zel a ni a, helama mawhphurhna neitute chu tha tak leh taima taka thawk turin a chaha, inthlanna felfai leh thianghlim tak kan neih theihnan theihtawp chhuaha, midangte entawn tlaka an hna thiam tur leh hriatthiam loh leh zawh belh duh neite tan pawh hriatbelh nei ngei tura, taima taka training turin a chah bawk.

Vawiin training hi District Level Master Trainers Pu Victor Lalawmpuia, SDO (Sadar), Pu Henry Malsawmtluanga, SDC te chuan VC Election atana form hrang hrang hman dan leh inthlan kaihhnawiha tul hrang hrangah training hi an pe a ni.

Village Council Election, 2020 atan hian Mamit District chhungah Village Council 90 awmin Returning Officer-ah hian mi 95 ruat an ni a, training-ah hian a thawhkhatna atan mi 45 te tan training pek niin thawhhnihna-ah mi 45 te tan training kalpui leh a ni ang. Kalkhawmte tan hian zawhna leh chhanna hun hman a ni bawk.