3887/2024-2025

Dated Hnahthial, the 21st January, 2025: Vawiin khan Hnahthial DC Conference Hall-ah, Election Officer, Pi Esther Leihang, SDO (Sadar) ni bawk kaihhruaiin General Election to Village Council, 2025 lo awm tur atana Hnahthial District Returning Officer(RO) te training vawi hnihna buatsaih a ni.

Election Officer, Pi Esther Leihang chuan Returning Officer-te kutah election felfai tak a awm theih nan mawhphurhna sang tak a awm thu sawiin he an mawhphurhna hi ngai thutak a, tha taka an mawhphurhna hlen turin a fuih a. Thil awlsam dan ngawt zawn hian buaina tam tak a thlen thin thu sawiin thil awlsam ringawt ni lovin thil dik leh kimchang taka tih a pawimawh zawk a ni tiin RO te chu fimkhur turin a chah bawk a ni.

Pi Esther Leihang chuan Returning Officer-te chu zawhna leh chhanna hun hmanpuiin election lo awm tur chungchanga an hriatchian loh leh an hriat duh te sawihona leh inhrilhhriatna hun hman a ni a. Election to Village Council Rules chungchanga an hriatfiah duh te, election ni a tih tur leh tih lo tur te, vote chhiar hun a tih turte bakah Form fill up dan tur chungchanga an hriatchian duh chu RO-te chuan Election Officer chu zawhfiah nan hun an hmang a ni.

In candidate duh te tana nomination file theih ni hnuhnung ber hi January ni 23 niin candidate-te in withdraw theih ni hnuhnung ber hi January ni 27 a ni a. Vote hi February ni 12, zing dar 7 atanga tlai dar 4 thleng thlak theih tur niin vote thlak ni vek hian vote hi chhiar nghal a ni ang. Election process hi February ni 15 a zawh fel tura ruahmanna siam a ni.