District Level Task Force, Lunglei District Dt.22.03.2020 thukhawmin a rel angin COVID-19 laka Lunglei mipuite kan him tlan nana a hnuaia thuchhuakte hi Village Level Task Force (VLTF) leh mipuiten zawm turin kan in hriattirin kan in ngen a ni.

  1. Village Level Task Force (VLTF) ten an veng/khuaa State/ram dang atanga lo lut zawng zawngte list neih tur a ni a. Lo lut/haw tawh leh lo la haw tur zawng zawng pawh an hming list neih a, an rawn haw hun tura beisei dan pawh neih tur a ni. He list hi Chief Medical Officer, Lunglei hnenah thehluh tur a ni a. He list hi rawn haw an awm apiangin update zel tur a ni ang.Hming list te hi heng number 6033151202/ 7629072340 ah te hian whatsapp emaw SMS kaltlangin thehluh theih a ni.

 

  1. VLTF hian inkhunghran(home quarantine) ngaite chu an inkhunghran leh hranloh an finfiah tur a ni a, inkhunghranna chungchanga harsatna a awm emaw, inkhunghran (home quarantine) chhunga insawiselna nei an awm chuan a chunga number tarlanah te khian an address kimchang nen hrilhhriat tur a ni.

 

  1. Mahni in lama inkhunghrang turte awmna turah bathroom/toilet hran hman tur a awm leh awmloh VLTF ten an enfiah anga. Bathroom/toilet hran an neihloh chuan a chunga number tarlan ah khian hriattir tur a ni. 

 

  1. Mipui mimir nitin ei leh bar (essential commodities) lak khawm/lei chungchangah VLTF chuan ruahmanna felfai tak siamin mipui an punkhawm loh nan chhungtin te chakkhai lam na kawngah hma a la tur a ni.

 

  1. Khaw hran/hmun hran atanga chakkhai lam tur aLunglei/ khaw dang pan ngaite chuan VLTF hnenah in report in VLTF chuan VLTF Chairman/Vice Chairman (VC/YMA) Seal chhut hnanin hriatpuina lehkha a siamtur ani a, veivah na kawnga harsatna an tawhloh nan lehkha chu chakkhai lam tur ten an kawl/kengtur a ni. Hemi bakah hian chakkhai lam tur chhungkua te chu a hran hrana kal tir lovin khua/vengchhung mamawh dan a zirin chhungkaw hrang hrang tan a hlawma lak dan tur kawng a dap tur a ni.

 

  1. Sorkarina mipuite zawm tur a zam angin VLTF ten mahni bial chhunga nitin mamawh (essential commodities) leh damdawi zawrhna bak dawr dang zawngte chu kharturin leh mimal hnenah tam tak hralh a nih loh nan hma a la anga, bungraw zawrh te chu a man pangngai aia tih to a nihloh nan hma a la tur a ni.

 

  1. Tui lei tur mamawh te chuanVLTF hnenah an thlen anga, tui lei leh in pek chungchang/veivahna kawnga harsatnaa awmloh nan tui phur tur motor registration number chu VLTF hnenah a hriattir ang a, VLTF chuan SDPO hnenah report a pe ang.

 

  1. COVID-19 chungchanga hriat chian duh neite chuan heng number 6033151202/ 7629072340 leh6009953124 ah hian zawhfiah theih a ni.