Tunlai Coronavirus hrileng mek laka mipui, abikin MGNREGS Job Card holders te leh RD Department hnuaia hnathawk zawng zawng te an him zawk nan leh hrileng laka mipuite an him zawk nana Sawrkar hmalak mekna tha tichak turin a hnuai ruahmanna te hi Rural Development, Government of Mizoram hnuaia thawk zawng zawng te zawm tur leh bawh zui turin chhuah a ni.
I. Hri leng mek laka mipuite him nan leh inven nana Health Department leh Sawrkar thuchhuah leh ruahmanna siam mek te hi Job Card holders te hnenah an zawm ngei theih nan Electronic Communication - Local Address System/Cable TV etc hmangin mahni bial theuhah puanzar tur a ni. Hemi chung changah hian mahni hmun theuha I&PR hotute leh Local Authority-te nen inberawna ruahmanna siam ho tur a ni.
II. RD Secretariat, Directorate, District, Blocks leh Village level-a thawk zawng zawng te pawh hemi chungchanga Sawrkar thuchuah leh Health Department Doctor-te ruahmanna siam -
A zing thei ang bera kut sil fai, hmai kawr (mask) vuah, in chibai loh, office-a hnathawhnaah inhnaih lo thei ang bera awm ( feet 6 kar dan tala awm), kutsilfai lova hmai, hnar leh mit khawih loh, office buiding leh furniture then thianghlim (sanitize) that leh Covid-19 hrileng laka invenna awm thei dang te mahni office theuhah zawm anih theih nan ruahmanna tha tak siam theuh tur a ni.
III. Ni 100 inhlawhna chungchangah pawh Covid-19 chungchanga Sawrkar thuchhuah leh zawm tur ang te kalh zawnga hma lak miah loh tur a ni a. A bikin bank-a inhlawhna lak hunah pawh mipui (Job Card holders) ten Bank an chim tawt loh nan leh Covid-19 inkaidarh tur ven a nih theih nan Project Director (DPO) zawng zawng te, BDO (PO) zawng zawng te, Bank hotute leh VEC/VC te nen lo inrawn tlanga ruahmanna tha tak siam tura ngen an ni.
IV. Mizoram Sawrkar GAD thuchhuah vide OM No.B.14015/50/2020 -GAD dt. 21.03.2020 angin Ni 22 atang ni 29 March, 2020 chhung chu pawn lama a huhoa thawh chi MGNREGS eng hna mah thawh rih loh tur a ni. Job Card Holder te pawh emergency thil bikah loh chuan mahni in ah tawmim vek tur leh Sawrkar thuchhuakte zawm theuh turin ngen an ni a. Officer leh staff, mahni in lam atang Computer leh Phone hmanga hnathawk thei te erawh chu hemi hun chhung hian thahnemngai taka hna thawh theuh tur a ni e.
V. Covid-19 in India ram leh khawvel a kian san hma chu mipuite pawh RD Department hnuaia Office-te loh theih loh thilah chauh lo chuan dawr lo turin ngen an ni a. Loh theih loh thila Office dawr a lo ngai a nih pawhin Department official ten mipui leh hnathawkte himna tura ruahmanna an siam te thuawih taka zawm theuh turin ngen an ni.
VI. Department hnuaia official zawng zawngte Electronic mode of Communication hmanga hnathawh uar zual turin ngen an ni a. Loh theih loh thilah loh chuan manual file working system uar loh rih ni se. Hna kan thawhna kawngah IT hmanga tangkai zual tur leh E-system chi hrang hrang internet, Mobile phone, e-mail, Whatsapp, Message etc hmang uar turin hriattir an ni.
VII. Department hnuaia Official zawng zawngte pawh Covid-19 kai thei ni a inrinhlelh theih tur natna symptoms - Hritlang, khawsik, khuh, hahchhiau te nei an awm a nih chuan sawrkar General Administration Department thuchhuak angin anmahni Controlling Authority-ah chawlh dil theih reng a ni.
VIII. Hri leng venna kawnga India Sawrkar, State Sawkar leh District Authority-te thuchhuak leh hmalakna te tichak turin RD Department hnuaia office zawng zawng te mahni hmun theuhah theihtawp chhuaha hma la turin ngen an ni a. A bikin Block Development Officer zawng zawng te hemi kawngah hian District Authority-te rawn chungin mahni bial theuha village tina thuneitute nen hrileng darh zel loh nan leh inven nan coordination tha tak siam a, theihtawp chhuaha hma la nghal theuh tura ngen an ni.
IX. Office kal zel dan tur leh office hnathawktute awm dan tur chungchangah chuan GAD, Govt. of Mizoram thuchhuak ang zel kal tur a ni.
X. Hrileng dona leh invenna kawnga Sawrkar hmalakna leh thuchhuah tharte ngaichang theuh turin kan in ngen a. Thuthar leh hmalakna tur thar a awm anih chuan kan hmun theuha hma kan lo lak leh bawhzui theih nan inhriattir zel a ni ang.
