Vawiin chawhma dar 11 AM khan Serkawn Kristian Hospital, Lunglei ah Mit khaw hmuhna  (Vision Centre)  chu Pu S. Laldingliana, Parliamentary Secretary  in a hawng

Hawnna inkhawm a thusawiin Pu S. Dinga chuan hriselna kawnga hmalak that avangin India ram State zingah Mizoram chuan lawmman pakhatna hial kan dawn chu thawh puite a te ber atanga a lian ber te thahnemngaina avang a ni ati a, Eye Bank leh Eye Transparant te hi North East a nei hmasa ber kan ni a ti a, naupiang hlim thih chhan hi Health & Family Walfare Department chuan a manganpui em em a, abik takin chhim lam ah naupiang thi an tam thu a sawi a, hemi ti tlem tur leh hmalak nan hian Central sawrkar in 30 crore Mizoram Sawrkar hnen ah a pe tawh tih a sawi bawk a, heng sum te hi PHC leh Health Sub Centre te tih phuisui nan leh tih chang tlun nan hman tum a ni a ti bawk. India ram state leh UT te aiin Mizoram hi Blood donation ah kan hming tha a, hrisel na lamah pakhatna ni thei turin sawrkar tawiawm theuh  ang u a ti.

He Vision Centre hawnna nipah hian  National Programme of Control for Blindess buatsaihin Cataract Surgery Camp ni 15 -18/11/2011 neih mek a ni a, Aizawl atangin Dr. Lalremsanga, Eye Specialist leh a thawhpui ten Lunglei South biala mit tha lo  40 zai tur nei in nimin leh vawiin zing thleng khan 18 hlawhtling tak a  zai  ni tawh a ni. Mit zai te hi damdawiin ah Pu Dinga hian tarmit a buntir hlawm a ni.

He Vission Centre hi Mizoram sawrkar approve a ni a, Central sawrkar atangin Nuai 12 hmuh a ni tawh a, Vision Centre hi Rosy Lalnunpari, Opthalmic Assistant in a enkawl mek a ni.

Inkhawm hi Dr. Lalrammawia’n a kaihruai a, Rev. C. Ngurhnema’n malsawm tawngtai na in he hun hi a khar a ni.