No.3335/2019-2020 

 

Nimina Sawrkar in Village Level/Local Task Force on COVID-19 te tana inkaihhruaina SOP a chhuah a, Local/Village Level Task Force Mawhpurhna tlangpui Point 12 hnuaia Annexure III - Home Quarantine Guidelines chu a hnuaiah tarlan a ni.

 

SOP ang chuan VLTF/LLTF ten an mahni khua/veng chungah COVID-19 vei nia rinhlelh emaw harsatna nei an awmin, thinhrik leh endawn an nih lohna turin chak takin hma an la anga. Sawrkar-in COVID-19 avanga in khunghran (Home Quarantine) ngai a tih te, mahni khua/veng theuh ah an lo enzui anga. List pawh fel takin an vawng tha ang. Hun biktuk chhungin tha takin home quarantine guidelines angin an kalpui em tih an thlithlai thin ang tih a ni. 

 

Annexure III ( Hei hi Government of India, Ministry of Health & Family Welfare, Directorate General of Health Services (EMR Division) te siam Mizo tawnga lehlin a ni)

 

INKHUNGHRAN (HOME QUARANTINE) NA KAWNGA HRIATTUR PAWIMAWIH

 

A HUAM THEIH TE:

 

Mi tupawh, a zinchhuah vang emaw, thil dang engpawh vang emaw a novel Coronavirus

Disease (COVID-19) kai ni a rintheih emaw, rinhleh emaw anih chuan arang thei ang  bera khung hran tur ani a, anmahni enkawl thei tura ruat bik te chauh in an khawih thin tur a ni.  India ramin hetiang, mahni in lama inkhunghrang tura a tih te chu;  i) zin veivak mi; ii) mihring pun khawmna hmuna awm tam, heng natna hri darh tawhna hmun lo tlawh tawh te: (iii) COVID-19 kai na hmun leh ram atanga lo kal, a bikin heng natna hri lenna hmun a finfiah tawh atanga lo kal te.

 

IN KAICHHAWN AWMZIA:

 

Natna hri inkaichhawn na hi mi hriseltha pangaiin, a hri vei tawh ten nen an awm ho emaw hri

len tawh na hmun leh boruakah an lo khawsa ho tawh emaw anih chuan a kai ve theihna dinhmun chu a sang hle ani.

COVID-19 case hri kaichhawng thei te chu :

  • COVID-19 hri vei tawhte nen in khatah an chen ho in,
  • COVID-19 hri vei nen hri inkaichhawnna lam a invenna hmanrua(Personal Protective Equipment (PPE) hmang lo emaw, an invenna hmanrua te lo chhiat emaw vanga intawhna an lo neih tawh in;
  • COVID-19 hri vei nen hmun hnavaitak emaw, hmaichhan emaw, thlawhna zinkawng ah emaw pawh metre-1 bial chhungah an lo awm tawh in.

 

He natna hri darh zau zel na ni, mihringin a natna hrik vanga a pai damlohna (symptoms) te a lanchhuah atanga ni 14 hma lam atang tawhin a lo intan thei reng tawh ani.

 

INKHUNGHRANG (HOME QUARANTINED) TE HRIATTUR:

In a in khunghrang te chu;

Mi pakhat chauh awmna pindan, boruak tha luh theihna, inthiarna leh inbualna awm nghal a

awm tir thei ni se dunthusam ani. An chhungte nen pindan khatah  an awm ngei ngei a ngai a nih chuan chuan an pahnin inkar an meter-1 tal dah awl thin tur a ni.

  • Kum upa te, naupai te, naupang len harsatna/natna hrang hrang in a tlakbuak tawh te leh ama chenpui te lakah a awm hla tur a ni.
  • Inchhungah a tei kual tur a ni lo.
  • Engtik lai mahin heng mipui pun khawm na hmun; biakin, inneihna leh mithi inah te an kal tur a ni lo.

 

Heng a hnuaia mitin te hnena in vawn fai dan tur ruahmanna awm te hi engtik lai pawh in zawm ve tel tur ani: 

  • Kan kut hi uluk taka sahbawn emaw alcohol based (hand sanitizer) emaw in kan sil fo tur ani.
  • Inchhung bungrua hrang hrang, entirnan; bungbel, no, inhruk na, khum khuh na leh thil
  • dang reng reng in hman tawm loh tur a ni.
  • Hmui khuhna (surgical mask) te an vuah reng tur a ni a, heng mask te hi darkar 6-8 hnuah paih thin tur ani a, hman nawn leh tur ani lo.
  • In lama inenkawl laia mek hri kai te emaw, a enkawl tute emaw leh a hri lo vei te bul hnai a awm te hmui tuamna (mask) chu uluk takin natna hrik thahna tur bik a siam, bleach solution (5 %) emaw sodium hypochlorite solution (1%) emaw a kan chiah hnuah chauh paih tur ani a ni. Halral emaw, phum bo emaw pawh a theih bawk.
  • Hmui khuhna (mask) hman tawh hnu te hi natna kai tawh anga rin tur a ni.
  • Hri kai avanga natna awm thei te; khuh, khawsik, thawk lama harsatna nei kan awm chuan rang takin damdawiin hnai berah inhriattir emaw, phone number 011-23978046 ah hian biak vat thin tur ani.

 

INKHUNGHRANG (HOME QUARANTINED) CHENPUITE LEH CHHUNGTE HRIATTUR:

  • Enkawl tura tih bik chauhin kan khunghran te chu an enkawl tur ani.
  • An thawmhnaw hak hnu leh vun/taksa khawi lai mah kut lawnga khawih loh tur ani.
  • Kut kawr paih mai theih chi (disposable gloves) te hi an thawmhnaw hak hnu leh thil reng reng tih fai dawn in hman tur ani.
  • Kut kawr phelh hnuah fai taka kut chu sil leh tur ani.
  • Inah inleng neih phal loh tur
  • Kan kunghran te chu damlohna an lo nei anih chuan a bul hnaia ni 14 hun chhunga lo awm tawh te chu kunghran ve nghal tur an ni a, ni 14 dang leh pawh finfiahna (test report) in a natna a kui tawh lo tih a finfiah hma loh chu la khunghran reng tur an ni.

 

KAN CHHEHVEL VAWN FAI:

  • Kan khunghran te room a thil awm (entirnan; khum, dawhkân etc.) te chu nitin sodium hypochlorite solution (1 %) hmangin hruk fai ziah tur ani.
  • Inthiarna hmun te hi bleach solution/phenolic disinfectant hmangin fai leh ultk taka enkawl tur ani.
  • Thawnhnaw leh puan, kan khunghran in a hman te chu a hrang a fai taka suk thin tur ani.

 

INKHUNGHRANG (HOME QUARANTINE) HUN CHHUNG:

  • Inkhunghran (home quarantine) hun hian mi, natna hri kaitawh te nena an awm ho na atanga ni 14 chhung emaw, a hri kai ni a rinhlelh ten an kai lo ngei tih finfiah anih hun chhung a huam a ni.