NO.3334/2019-2020
Nimina Sawrkar in Village Level/Local Task Force on COVID-19 te tana inkaihhruaina SOP a chhuah a, Local/Village Level Task Force Mawhpurhna tlangpui Point 16 hnuaia Annexure IV - COVID-19 avanga thi ruang sawngbawl dan kaihhruaina chu a hnuaiah tarlan a ni.
COVID-19 avanga thi an awm anih chuan ruang savwngbawl dan chungchunga sawrkar thuchuak angin hma lak tur a ni anga. Govermment of India, Ministry of Home Affairs order number 40-3/2020-1D dated 24.3.2020 in India ram pumpui huap a lockdown a puan kalpui dan tur (guidelines)a siam angin mitthi vuina (lumen tiam in) naah mi 20 aia tam awm khawm phal loh tih anih avangin Sawkar thupek kenkawh kawngah Local/ Village Task Force ten ruahmanna an siam thin ang.
ANNEXURE-IV
COVID -19 AVANGA THITE RUANG CHU AHNUAI A MI ANG HIAN SAWNGBAWL TUR A NI:
1. Damdawiin a thite chu Government of India, Ministry of Health and Family Welfare-in Guidelines a tih chhuah anga sawngbawl tur a ni.
a. Ruang hi a remchan chuan kuang-a dah a, in lamah hawn ni se.
b. Ruang phurtute tan hian kai a hlauhawm loh a ni.
2. In lama thi (COVID-19 vei finfiah leh rinhlelh)-an awm chuan a hnuai a mi angin sawngbawl tur a ni:
a. Ruang chu Body bag (plastic)-a thun tur a ni.
b. Body bag hi a remchan ang a ngaihtuah mai nise.
C. Ruang chu bodybag-a thun a nih hnu-ah, body bag pawnlam chu 1% bleaching Solution-a tih thianghlim leh tur a ni. Bleaching powder hi a remchan anga ngaihtuah mai tur a ni.
d. Ruang hi a rang thei angin kuang-ah dah ni thei se.
e. Kuang pawh hi 1% bleaching solution-a tih fai leh tur a ni.
f. Kuang chu chhin nghal kher a ngai lo. Amaherawhchu, body bag atang hian ruang phawrha, bual, fawh, kuah etc. hi tih loh tur a ni.
g. Ruang sawngbawl tute hian Mask leh gloves an hmang tur a ni.
h. Ruang atang hian COVID-19 hi midangte tan kai a hlauhawm loh.
i. Amaherawhchu, mipui pungkhawm atanga inkaidarh thei a nih avangin, a ranglama vuina programme hi buatsaih theih ni se. Vui programme pawh hi a tawi thei ang bera tih ni se.
j. Khawhar lenpui pawh a tlem thei ang ber ni se.
k. COVID-19 vanga chhiat tawk chhungte hi COVID-19 vei ve palh thei an nih avangin midang an kaidarh loh nan mahni invenna hman ni se.
3. Hriattur pawimawh dangte:
a. COVID-19 vanga boralte ruang buaipui hi a hlauhawm loh a, amaherawhchu, ruang buaipuitute hian mask leh glove hman tur ani.
b. Covid-19 vanga boralte ruang motor-a phurh hi a hlauhawm loh
c. 1% Bleaching solution siam dan
(i) Bleaching powder (25% emaw 30%) thirfiante 3 (40 grams) chu tui litre 1 ah pawlh tur a ni
(ii) Bleaching solution hi siam lawk tur a ni lo a, a thar a siam zel tur a ni.
(iii) Bleaching solution siam hi darkar 24 chhung chauh hman theih a ni.
