MP Inthlan 2014-a vote chhiar turin Champhai District inbuatsaihna chu zawhfel a ni in lo tih lawk theih chin chu tihfel a ni tawh. Vote chhiar ni 16th May 2014 zing dar 8 ah Mizoram hmundang ang bawkin Champhai ah pawh vote chhiar tan a ni anga. Counting Hall a awm turte chu zing dar 7:30 ah an awmna tur hmun a awm tura beisei an ni. Vote chhiarna tur hmun 2(hall pahnih) siam a ni in Hall No-I ah 21 Lengteng AC leh 22-Tuichang AC a vote tlate chhiar a ni ang a, Counting hall No.2 ah 23-Champhai North, 24-Champhai South leh 25-East Tuipui AC huam chhunga vote tlate chhiar a ni ang.

Counting Hall ah phalsak chinte chauh luh phal an ni anga, vote chhiar tibuai thei zawnga a bul vel a bengchhen leh zik huai huai a rem dawn lo a ni. Hall chhunga duty tur te tan Mobile Phone ken luh awih ani lo ang. Vote hi chawlh lailawk awm lovin chhiar zawh nghal vek tura ruahman ani a, vote chhiar zawh tawh apiang te chu State Capital Aizawl ah thawn thla in, chuta tanga puan chhuah zel tur a ni.

MP Election vote chhiar in a kaihhnawih mimal, official te leh pawl hrang hrangte chu naktuka vote chhiar tur hian Champhai District ah chuan an inpeih tawh a ni.