Naktip ni 23 May, 2019 a Serchhip District-a Vote tlate chhiar tura inbuatsaihna kal zelah District Election hotute leh Counting Official te chuan Election Commission of India (ECI) thuchhuak angin tukin Dar 8:00 khan vote tla Report siam dan leh report thawn dan tur tichhinin vawiin vek hian Counting Hall-a duty tur Videographers te tan training neih ani.

Nimin khan Serchhip DC Office Training Hall-ah Serchhip District chhunga Vote tla chhiar huna duty tur Counting Officialte nilo te tan Training neih niin, naktuk chawhma Dar 11:00 hian DC Office Training Hall-ah vek Counting Agent te tan Briefing hnuhnung neih leh tura ruahman a ni.

Vote tlate chhiar tur hian ni 23 May, 2019 zing Dar 7:30 ah Strong Room hawn ani ang a, zing dar 8:00 atangin Counting Hall pathum a Counting Table hrang  hrang - Serchhip Constituency tan Counting Table 6, Tuikum Assembly Constituency tan Counting Table 8 leh Hrangturzo Constituency tan Counting Table 7 ah vote chiar ani ang.

Vote Chhiar ni a Media Centre atan DC Office a SDO (Sadar) Pisa chu ruahman a ni bawk.