23/2024-2025 

Vote thlak tum zingah Elector Photo Identity Card (EPIC) neite chuan vote an thlak hma in polling stationah EPIC hi an identity tichiang turin an hmang tur a ni a. EPIC eng emaw avanga nei lo tan a hnuaia tarlan photo ID engemaw ber hi a hman theih ang.

(i)    Aadhaar Card,

(ii)    MNREGA Job Card,

(iii)    Bank/Post Office Passbooks (thlalak chuanna)

(iv)    Ministry of Labour hnuaia Health Insurance Smart Card

(v)    Driving License,

(vi)    PAN Card,

(vii)    National Population Register hnuaia Registrar General & Census Commissioner, India (RGI) in smart card a pek chhuah.

(viii)    Indian Passport,

(ix)      Thlalak chuanna Pension document

(ix)    Central/State Govt./PSUs Public Limited Companies ten an hnuaia thawkte hnenah Identity card an pek chhuah (thlalak chuanna)

(x)    MPs/MLAs/MLCs te hnena official identity card pek chhuah

(xi)    Ministry of Social Justice & Empowerment, Government of India-in Unique Disability ID (UDID) Card a pek chhuah.

EPIC ah chhutsual/tihsual palh eng emaw a awmin thlalak leh card neitu a inmil a, EPIC neitu ngei a ni tih finfiah theih a nih tho chuan vote thlak phal sak an ni ang. India khua leh tui, chhan hrang hrang vanga India ram pawna awm (Overseas voters) te chuan vote an thlak dawnah original Indian passport an phawrh ngei tur a ni bawk (ID proof dang pawm a ni lo).

Vote thlak tur ten polling station a an electoral roll serial number, vote thlak ni leh hun etc., awlsam taka an hriat zung zung theih nan “Voter Information Slip” pek an ni ang a, vote thlak hma ni 5 ah District Election Officer ten an pe chhuak kim vek tur a ni a. Voter Information Slip hi voter te finfiahna (proof to identify voters) atan hman theih a ni lo vang.