1683/2023-2024

Kolasib dated 28th August 2023: Vawiin khan District Election Officer, Kolasib leh 1st IR Battalion, Mualvum te tangkawp buatsaihin Mualvumah vote thlak ngai pawimawh tur a inzirtirna, Systemic Voter Education & Electoral Participation campaign buatsaih a ni a. Pu Vanlalnghenga MPS, Commandant, 1st IR Battalion chuan kalkhawmte lawmna thu sawiin India khua leh tui kan nih angin kan duhthlanna tilang turin vote thlak a pawimawh thu a sawi a, Pu VK Liana, ADM, 1st IR Battalion-in hun a kaihruaiin Pu Ramtharnghaka, Asst. Commandant chuan a telpui bawk a ni.

SVEEP Campaign hun hmanna ah hian Dr. Lalramdintluanga, SDC Kolasib, SVEEP Nodal Officer ni bawk chuan Vote thlak pawimawhna te, kum 18 tling tawh phawt te vote hlutna a inangkhat vek thu te, mi tê ber leh mi lian ber pawh kan intluktlanna chu vote khat theuh nei kan nihna hi a ni tiin an hlutna hmang tangkai ngei turin kal khawmte a chah a. Inthlan hnuhnung berah Mualvum chu vote tlak tlem berna zing a mi niin 46.42% chiah vote a tlak avangin Election Commission lam pawhin an ngaih pawimawh berte zing ami a nih thu a sawi a.

Voter tam tak te hmun dangah duty-a an chhuah thin avangin Postal Ballot hmang a vote thlak ngai pawimawh turin a chah bawk a ni. EVM khawl a rintlak thu leh a hman dan te inhrilhfiah hun hman niin bawk SVEEP Friendly Volleyball Match neih nghal a ni a, hmeichhia leh mipa team 4 ve ve an tel a ni. Volleyball mai bakah hian hmeichhia Tug of War neih a ni a, vote thlak pawimawhna chungchangah Extempore Speech hmang a inelna neih a ni bawk.

Election kaihhnawih thil hrang hrang hmangin Quiz inelna buatsaih a ni bawk a. Item zawng zawnga tel te hnenah lawmman pek vek an ni a. Vote thlak tur a intiamna signature campaign neih nghal niin kal khawm te chu EVM hmang a vote thlak chhintir an ni bawk.