No.4039/2021-2022

Aizawl the 18th, February' 2022: Vawiin chawhnu khan DC's Conference Hall, Lunglei ah Pu Kulothungan A, IAS, District Election Officer leh Deputy Commissioner, Lunglei ni bawk chuan chanchinbu mite kawmna (Press Meet) a nei. He Press Meet ah  hian MJA Member te, Cable Network te, Election Officer, Electoral Registration Officers (ERO) te leh I&PR aiawh te an tel a ni.

Pu Kulothungan A, chuan Press Meet koh anih chhan sawiin Election Commission of India (ECI) chuan India ram khua leh tui te'n kan vote neih hlutna leh tangkaina kan hriatchian zawkna turin leh India ram rorelna a kan pawimawhna te inzirtirna turin Voter Awareness Contest a buatsaih a. National Voters' Day, 2022 denchhen in SVEEP (Systematic Voters' Education and Electoral Participation) programme hnuaia buatsaih niin a duh apiang tel theih a ni a, mahni thiamna leh theihna te inphochhuahna hun remchang leh tha tak a ni.

Thupui : My Vote is My Future - Power of One Vote

Intihsiak hun chhung : 25th January, 2022 - 15th March, 2022

Categories :

1. Quiz Contest

2. Slogan Contest

3. Song Contest

4. Video Making Contest

5. Poster Design Contest

 Hriat tur pawimawh te :

 1. Song Contest, Video Making Contest leh Poster Design Contest-te hi category pathum ah then  a ni a, chung te chu :

 (i) Institutional Category : He category hian School, College, University leh Organization dang Central leh State Government Act hnuaia in ziak lut te a huam ang.

 (ii) Professional Category : Eizawnna atana Video siam/poster design/zai hmangte chu Professional anga ngaih an ni anga, he category-a tel turte chuan Professional an ni tih chianna turin certificate an theh luh a ngai ang.

 (iii) Amateur Category : He category-ah hian Video siam/poster design/zai hna ber leh eizawn nana hmang lova hobby anga nei te an tel thei ang.

 2. Video contest, Slogan contest leh Song contest-te hi English bak ah Eighth Schedule of the Indian Constitution-in official language-a a pawmte hmanga theh luh tur a ni.

 3. Election Commission of India chuan Category hrang hrang ah endiktu (Jury) a ruat ang a. Lawmman sem hun ah kan lungawi lo a nih pawhin kan thil theh luh ennawn theih a ni lo ang.

 A tel duh te tan :

1. He contest website ecisveep.nic.in/contest/ ah Guidelines leh Terms & Conditions uluk taka chhiar tur a ni. He website ah hian in register bawk tur a ni.

2. voter-contest@eci.gov.in ah email hmangin kan entry-te a thehluh theih a, contest hming leh category chiang takin email subject-ah ziahlan bawk tur a ni. March 15, 2022 ral hma ngeiin thehluh tur ani e.

3. Hre chiang duh tan Election Branch, DC Office, Lunglei ah zawhfiah theih reng a ni tih thu a sawi.

Heng intihsiakna hrang hrang ah hian lawmman tha tak tak siam a ni.