1167/2023-2024

Hnahthial The 18th July 2023: Vawiin khan DC Office Chamber-ah District Bawrhsap leh District Election Officer Pu R. Lalremsanga kaihhruaiin Vulnerablility Mapping and Identification of Critical Polling Stations chungchangah meeting neih a ni a,he hunah hian DC Office a officer te, Sub-Headquarters YMA aiawh, Hnahthial District VC Association aiawh leh recognized political party aiawh te an tel a ni.

Hun kaihruaitu District Election Officer Pu R. Lalremsanga chuan Vulnerablility Mapping and Identification of Critical Polling Stations chungchang a sawifiah a. South Tuipui Assembly Constituency huamchhungah inthlan kalta khan polling station 24 a awm a; pathum siam belh niin tun dinhmunah polling station 27 a awm mek thu a sawi. Tun tum inthlanpui lo awm tur chu district anga hmachhawn hmasak ber tur anih avangin felfai tak leh tha taka inthlanna kalpui ni se tiin Political Party lam te, NGO, khawtlang hruaitute nen thawhhona tha tak neih a tul a ni, a ti bawk. Meeting chuan Hnahthial District chhung 29 South Tuipui Assembly Constituency huamchhunga Polling Station 27-ah Vulnerable leh Critical Polling Stations a awm loh thu tarlan a ni. He hunah hian kumin 2023 inthlan lo awm tura inbuatsaihna hrang hrang tarlan niin EVM, VVPAT leh Balloting Unit te chu first level checking neih fel tawh niin Strong room-ah dah a ni a, uluk taka venhim a ni tih te, Kum 2005 October ni 1 hma lama piang chin tan July ni 28 ah Draft Roll tarchhuah tur a ni a, August ni 2 atanga ni 31 chhungin claim and objection hun hawn a ni ang a, October ni 4 ah final electoral roll tarchhuah a nih tur thu pawh tarlan a ni bawk.