Vawiin khan Aizawl DC Committee Roomah Pu K.N. Bhar, Secretary, Election Commission of India hovin Aizawl District Assembly Constituency hrang hranga R.O., A.R.O. leh Sectoral Magistrate ten VVPAT (Voter Verifiable Paper Audit Trial) chungchang leh a hman dan zirhona an nei.

VVPAT hmang hian voter-te chuan an vote thlakna kha a dik ngei a ni tih an chian thei dawn a, vote thlak tih chingpen theih lohna tura duan niin, he khawl hmang hian vote thlaktu te chuan an vote kha a nung ngei a ni tih leh an vote tum tak an vote ngei a ni tih chiang takin a lang thei dawn a ni. Voter te chuan an vote thlakna receipt, an vote te hming leh serial number nen a chuanna VVPAT hmang hian an en thei dawn a ni. Vote chhiar nawn ngai awm palh ta se, VVPAT a record hi a hman theih dawn bawk a ni.

VVPAT hi Noksen Assembly Bye-Election, Nagaland September 7, 2013-a neih ah khan an lo hmang tawh a. General Election (Inthlanpui) ah chuan tuna Mizoram-a hman tur hi ram puma hman hmasak ber na tur a ni.VVPAT hi Electronics Corporation of India Ltd leh Bharat Electronic Ltd te siamchhuah a ni a, khawl-in a daih loh avangin tun tumah hian Aizawl District Assembly Constituency 14 zingah Tuivawl, Chalfilh, Tawi leh Aizawl South III tih lovah Constituency dang 10 ah VVPAT hi hman tum a ni.