Nimin 2nd May 2012 khan Dinthar Community Hall, New W. Phaileng ah W. Phaileng Block Farmers Meet chu Pu K.S. Thanga, Parliamentary Secretary chuan khuallian niin a hmanpui.
He Farmers meet Pu Lalsanglura Sailo, DAO cum Project Director ATMA, Mamit District kaihhruaiah khuallian chuan kut hnathawktu kalkhawmte hnenah Mamit District hi kut hnathawktute hlawhtlinna turin thlai tinreng that duhna hmun a ni a, chuvangin tih tak zeta kan thawh chuan hlawhtlinna a beiseiawm a ni, kristian ram ni si a kan rethei reng maite hi kan in enfiah a tul a. Retheihna in min tham beh tlat chung hian kan dam kan ti thei a ngem tiin retheihna chhanchhuah nan NLUP duan a ni a. Taima taka thawk te hi atitha peih ve lo te hian chilput a thlirin an hnuaiah inhlawh a la tul mai ang tih a hlauhawm a, chutiang ni lova a hlawkna teltu ni ngei tura theih tawpa thawk turin kalkhawm te chu a chah a ni.
Khuallian chuan Agriculture hi ram hmasawnna hnuk pawimawh tak ani a, khawvel ram ropui ber ber te pawh an hmasawn na tobul bul Agriculture hi a ni tiin kuthnathawktu kal khawmte chu taima leh rinawm taka thawk turin a fuih bawk a ni. W. Phaileng Block Farmers-ah hian Agriculture Technology Management Agency (ATMA) awmin Farmers’ Friend member 10 thlanchhuah a ni a, Farmers Friend hnathawh tura beisei te chu ‘An bial chhunga kut hnathawktute mamawh/harsatna lo hriatchian a ATMA hruaitute hnena thlen, ATMA hruaitu leh an bial chhunga kuthnathawktute inkara palai hnathawh’ te a ni. Tin, ATMA Block hnuaiah hian Farm School pathum (3) Bawngvulhna, Hmunphiah chinna leh Leilet buh chinna tur thlan niin an hming put chhan ang hian kut hnathawktute zirtir na pek na tur a ni. Farmers Friend mi 10 te hnenah hian Mobile Handset pek an ni a, Farm School neitu mi pathum te hnenah hian Sign Board pek an ni bawk a. Hei bakah hian kut hnathawktu pawl entawntlak te Lallen Oilpalm Growers Association leh Saithah Oilpalm Growers Association hnenah pawisa fai Rs. 10,000/- ve ve hlan an ni bawk a. Heng thilpek chi hrang hrang te hi khuallian hian a hlan a ni.
Chawhnu lamah hian Technical Session neih chhunzawm a ni a. Agriculture, Soil & Water Conservation, Horticulture, AH & Very, Sericulture, KVK Department mithiamten hnathawh dan zirtirna Power Point Presentation hmangin an nei bawk a ni. He meet ah hian kut hnathawktu khaw hrang hrang atangin mi 300 vel an tel a ni.
