Vawiin chawhma dar 11:00 khan Serkawn Community Hall ah AMFU General Hqrs. Wadi Project Under buatsaih TDF II-Phase in khaw 5 chhungkaw 125 hnenah Serthlum chingte hnenah Rs.3,000/- theuh NABARD kaltlang in Pu P.C Lalthanliana, Minister Social Welfare in a sem.

 Thusawiin Pu Lalthanliana chuan AMFU leh Nabard ten kut hnathawktute an hmangaih avangin lawmthu a sawi a, Sawrkar emaw Corporation emaw ten kut hna thawktute tan 70%  a ngaihtuahna hmangtu AMFU te sawrkar in a tangkai pui a, chubakah kut hnathawktuten an tangkai pui bawk a ni a ti, mahni dinhmun pawh siam theilo te tanpui tu AMFU hi ngainep mai lo turin kalkhawm mipui te a chah bawk. Sum leh pai dawn hi vawiin atan ni lovin naktuk a tan ani a, kut hnathawk tu te chawikan hi sawrkar tum a ni. Kut hnathawk tu ten lei rem an rah loh chuan Zoram hi ram nuam ani thei lovang a ti a, NLUP chungchang sawiin chhungkua nuai 1 sing 2 te hnenah Cheng vaibelchhe 370 pek a ni dawn a ti bawk, tih tak tak na thinlung pu a hna thawh chuan ram hian a danglam pui ngei tur thu a sawi a, rinawm tak leh taima tak a thawk theuh turin  a chah bawk a ni. Pu R.K Das General Manager NABARD, Regional officer Aizawl pawhin thu tha tak tak a sawi bawk a ni.

Inkhawm hi Pu Kaisanga Ralte, Treasurar AMFU Lunglei in a kaihruai a ni.