4813/2025-2026

Aizawl the 12th March, 2026: Vawiin March ni 12 (Ningani) khân Mizoram Pollution Control Board (MPCB) chuan Dawrpui Multipurpose Hall-ah School leh College Eco-club-te tân thil/bungrua hman hlui/hluihlâwn tawh atanga thil hlû leh tangkai dang siamchhuah leh pho lanna leh inelna hun Waste to Wealth Exhibition cum Competition a buatsaih. He hunah hian Mizoram hmun hrang hrang atangin zirlai naupangte’n thil hlui chi hrang hrang atanga an thil siam chhuah an pho chhuak a ni. He Exhibition cum Competition hi Category pathuma then niin Category I-ah Primary leh Middle School an inel a, Category II-ah High School leh Higher Secondary School-te leh Category III-ah College leh a chunglam. Category tina lâwmman latute chu Pu Liankima Lailung, IFS (Rtd.), Chairman, MPCB-in lâwmman pawisa-fai leh Certificate a hlân a ni.

He Exhibition cum Competition-in a tum ber chu zirlai naupangte bawlhhlawh neih/tihtlêm pawimawhna zirtir bâkah bawlhhlawh nei tlêm tura kan thil duh tawh lohte paih nghal mai loa thil tangkai danga hmanna zawn (re-use) tangkaina kawh hmuha sumpaia chantir a nih theihzia hriattir a ni. Vawiin programme MPCB-in a buatsaih hi Ministry of Environment, Forest & Climate Change bul tuma Environment Education Programme (EEP) kal tlanga neih a ni.