4846/2024-2025

AIZAWL; the 27th March,2025: Vawiin khan District Institute of Education (DIET), Aizawl bul tumin an Auditorium-ah State Level Workshop to develop Guidebook for W.E Teachers buatsaih a ni a. Workshop hawnna inkhawm tawi hi Pi Caroline Zoramthangi, Director, SCERT chuan kaiihruaiin, Pu David Lalthantluanga, Special Secretary, School Education Dept chuan khuallian niin workshop hawnna hun hmanpui a, fuihna thuchah tha tak a sawi bawk.

Pi Lalhrilliani, Vice Principal, DIET Aizawl-in hunserh hmangin, Pi Christina Lalthansangi, Lecturer, DIET Aizawl chuan Workshop buatsaih chhan leh workshop-a W.E zirtirtu te zirtur sawihawnna hun a hmang thung.

Workshop hi thla 6 awh tur niin, workshop-ah hian Participants ten Guidebook tha leh hman tlak taka siamchhuah anih theih nan ruahmanna fel tak an siam a. Workshop an kalpui chhung hian guidebook siamchhuah te chu Sikula hman a that leh that loh an zirchiang nghal dawn a ni.

Pu H. Lalfakzuala, Principal, DIET Aizawl chuan lawmthu sawinain workshop hawnna inkhawm hi a khar ta a ni.