Vawiin khan Tourist Lodge Chaltlang-ah Pu K. Lalsawmvela, Engineer-in-Chief, PWD  leh CEO, Mizoram State Rural Roads Develoment Agency (MiRRDA) ni bawk hovin PWD Western Circle hnuaia thingtlang inkalpawhna kawng Pradhan Mantri Gram Sadak Yojana (PMGSY) hna kal mek te thlirletna Review Meeting neih a ni a, PMGSY hna kal lai mek dinhmun te, contractor harsatnate leh PMGSY kaihhnawih chungchangte thlir ho a ni.   

Review Meeting hi Pu Vanlalmuana, S.E. PWD Western Circle chuan kaihruaiin Pu K. Lalsawmvela, E-in-C, Pu Lalrintluanga, CE Roads, Pu J. Zothanpuia CE (Planning) ten thu sawiin Pu Vanlalzuala Chenkual EE (PMGSY) chuan Western Circle hnuaia PMGSY hna hrang hrang te dinhmun power point presentation hmangin chipchhiar takin a tarlang a. Chawhnu lamah PMGSY hnathawh kal mekah harsatna tawh leh awm thei chungchangte sawiho a ni.

Review Meeting ah hian PWD, Western Circle hnuaia J.E. leh a chunglam engineer zawng zawngte  leh PMGSY Contractor te an tel kim hle a. Western Circle hnuaiah hian Division pali – Hmuifang, Kawrthah, Kolasib leh Mamit Division an awm a. He Circle hnuaiah hian PMGSY hmalakna kawng 16 awmin, contractor 17 in heng hna te hi an thawk mek a ni.

Hetiang Review Meeting hi thla hmasa khan tum hnih – Eastern Circle leh Lunglei Circle huam chinah te lo neih tawh a ni.

PMGSY hi India ram a thingtlang khua, tlang ram chinah mihring250 awmna leh phai ram chinah mihring 500 awmna te inkalpawhna All Weather Road kawng siamna project a ni.