2499/2026-2027

Kolasib 3rd October, 2026: Tukin zing dar 5:00 am khan Kolasib Sports Stadium ah Women & Child Development,Kolasib District buatsaihin Poshan Maah 2026  ‘Run For Nutrition’  marathon 7.3 km  buatsaih a ni a, Mi 85  an tel ani.  He hunah hian  Deputy Speaker, Pu Lalfamkima bialtu MLA chu Khuallian niin a hman pui.

Khuallian chuan thusawiin Women & Child development ten Poshan Marathon 2026 an buatsaih chu lawmawm a tih thu sawiin, khawvel pum huapa marathon ngaihhlut a nih dan leh a pawimawhna a tarlang.Rilru tha leh hrisel nei tur chuan taksa fit leh hrisel neih hmasak a pawimawh zia sawiin, tunhnaiah thalaite'n hriselna an uar chho zel chu thil lawmawm a ni a ti a,Kolasib pawh hian he mi kawngah hian hma la zual sauh turin a chah a ni.

Deputy Speaker chuan he marathon hian ruihtheih thil ti thin te pawhin an nunphung thlakin, an tih thinte an sim theih nan kawng a sial theih a beisei a. Hemi rual hian thangtharte tan entawn tlak  nih tuma theih tawp chhuaha tan la ho turin kalkhawmte a fuih bawk. Poshan Marathon hi kum dangah pawh uar zawk leh hlawhtling zawk a chhunzawm zel a tha hle tih a sawi.

Poshan Maah ( nutritional month) hi kumtin September thla ah hman thin a ni a.Ei tur tha leh hrisel inzirtir na hun atan a hman thin a ni.

Poshan Marathon 2026 hi mipui te hnen a he programme a alo darh zau zawk na atan a awareness programe atan a hman a ni a. Kolasib district mipui a tam thei ang berin Poshan Maah nihna leh ei tur tha inzirtir leh chhungkaw tinin an lo hriat theihna tur atan a buatsaih a ni.

He marathon hi category 2-a intihsiak niin MEN CATEGORY (Open) leh WOMEN CATEGORY (Open)-ah te intihsiak a ni:

Lawmman dawngtute :

MEN CATEGORY:

1-na : Lalhmunmawia 

2:na :  Sone

3-na : Ebora

WOMEN CATEGORY:

1-na : H.Ngohlaso

2-na : Rashmi Jaisi

3-na : C.Lalrawngbawli