19/2025-2026

Aizawl the 2nd April, 2026 : Vawiin ni 2 April 2026 dar 11:00 AM khan Govt. T. Romana College, RUSA Hall-ah Women & Child Development Department, IQAC, Department of Sociology Govt. T. Romana ten Hmeichhe chunga hleilenna hi hmeichhiate mawhphurhna a ni tih thupui a hmangin Intra-College Level Debate Competition-an buatsaih a, he debate competion hi Pu C. Laldinsanga Asso. Prof in kaihruai in, Principal Govt. T. Romana college Dr. Jenifer Lalbiakdik in welcome speech sawiin- Hmeichhia te dinhmun pawimawhzia leh hlutzia a sawi.

Pi Zoramthangi Chhangte, Director, Women and Child Welfare Dept in a hawnna neiin, Hmeichhiate hlutna leh humhimna atana Department hmalakna te a sawia, Mizo society in hmeichhiate kan en dan leh kan beisei danah her rem ngai a awm thu a sawi.

He debate competition-ah hian Best Debator atan Lallawmkima, Dept. of English thlan a ni a, pahnihna atan Jacob Hmingduhawma, Deptt. of Political Science niin Jenny Lalremthiami, Deptt. of Sociology chu pathumna a ni a, Lawmman pakhatna hian Rs. 5000/- leh Citation a keng a, Lawmman Pahnihna in Rs. 3000/- leh citation kengin Lawmman pathumna in Rs. 2000/- leh Citation a keng bawk a, inelna a rel zawng zawngte participation prize leh certificate pek vek an ni a, Dr. Dorothy Zonunsangi, Coordinator, IQAC in lawm thu sawiin hun a khar in Debate competition hi students ten an hlawkpui hle a ni.