2662/2025-2026

Dated Aizawl: the 15 December 2025 : Vawiin khan Directorate of Women & Child Development chuan ‘A day with our Minister’ programme chu Hotel Ransam, Thuampui Vengthar ah an hmang a. He hun hi Social Welfare, Women&Child Development Department changtu Minister Pi Lalrinpuii chuan khuallian niin a hmanpui a ni.

He hunah hian khuallian leh Department Minister ni bawk Pi Lalrinpuii chuan thusawiin, Saksham Anganwadi and Poshan 2.0-te, Mission Shakti leh Mission Vatsalya-te kaltlanga Women&Child Development hmalaknate chu ropui a tih thu a sawi a. FRS drive kal tlanga Department hmalaknate phei chu chhuanawm a tih thu sawiin, India ram pum huap pawha titha zinga lang tura thawktute inpekna chu fakawm a tih thu a sawi a. APAAR kalpui danah pawh thawktu ten theihtawp an chhuah dante chu lawmawm a tih thu tarlangin, ram leh hnam kut leh ke, hmeichhia leh naupangte enkawltu an nih anga an dinhmun pawimawh tak chu hre reng chunga an hnathawhah chuan theihtawp chhuah zel turin a fuih nghal bawk a ni.

Women&Child Development buatsaih “A DAY WITH OUR MINISTER” hi nilenga hman a ni a. Hun hi thuang hniha then niin; Department hmalaknate chipchiar taka thlirhona bakah thawktute infuih tharna hun atana hman a ni bawk.

 Vawiina hun hman hi Pi Zonunthari, Joint Secretary, Social Welfare, Women & Child Development Department chuan kaihruaiin kalkhawmte lawmna thu a sawi  a. Pi Zoramthangi Chhangte, Director, WCD  chuan Women & Child Development hnuaia scheme kal tlanga hnathawh tawhte, an thlenchin leh hmachhawpte sawizauna hun  hmangin, sawihona neih chhunzawm nghal a ni a. Pu  R.Lalchungnunga, Centre Supervisor hnen atangin Bal Bhavan chungchang  ngaihthlak a ni a. Pi C. Zodinpuii, Chairperson, Mizoram State Commission for Women-in kum kal taa an hmalakna tlangpuite a tar lang a. Pu Jimmy Laltlanmawia, Chairperson, Mizoram State Commission for Protection of Child  Rights pawhin Commission hmalaknate report a pe bawk a ni.