Polytechnic zirlaite an hnazawnna tur kawnga tuihriamna leh work culture zirtirna tur training programme Women Polytechnic, Aizawl ah vawiin khan an Principal Pu FVL Biakchhawnan a hawng a ni.

Employability Enhancement Training Programme(EETP) hi All India Council for Technical  Education (AICTE) leh Chennai lama hmunpui nei ICT Academy tangkawp ten zirlai pass chhuak tur te tana an rawn buatsaih ani a, thlakhat chhung a awh dawn ani. Heta training hi Trainer thiam tak tak ten zirlaite hmun hrang hranga hna thawk thei tura buatsaih leh tawng lamah pawh harsatna an neih lohnan te an zirtir anga, an hnathawhtur pawh zawnpui an ni dawn ani. Hetiang training hi kum tina buatsaih a nih theih nan Women Polytechnic, Aizawl leh ICT Academy hian MoU an sign tawh bawk ani.

Women Polytechnic, Aizawl hian tunah diploma course pali neiin an zirlai chhuakte hna zawn kawnga puitu Placement Cell an nei a, Mizoram chhung choh nilo state pawn leh rampawnah thlengin an in tir chhuak thin ani.