Vawiin khan State Level-a din Convergence Committee buatsaihin Prime Minister Krishi Sinchayee Yojana (PMKSY) hnuaia Programme leh Scheme hrang hrangte thlunzawm a thawhho dan tur thlirhona “A Workshop on Convergence of Project under PMKSY (Watershed Development" chu Aijal Club-ah neih a ni.

PMKSY-in a tum bul ber chu eizawnna mumal neilo zawkte eizawnna ruahman sak a, loneitute buh leh bal thar tihpun a, tui lak (irrigation system) mumal leh hlawk zawka ruahman te, renchem taka hman te a huam a. Tun hmaa huan lo rama tui renchem dantur leh awmze neia semdarhna tura ruahman scheme hrang hrang heng IWMP, AIBP, CAD leh OFWM, Department/Ministry hrang hrang enkawlte chu a enkawltu ngai reng siin, awmze nei zawk a thawk ho turin PMKSY ah hian chhun fin a lo ni ta a ni.

Vawiin Workshop hi RD Department Joint Secretary Pi K. Lalrinzuali chuan hawngin, RD Director Pu V. Lalsangliana, MzWDA-a CEO ni bawk chuan a kaihruai a. Workshop-ah hian “Convergence of IWMP Projects" tih thupui hmangin RD Deputy Secretary Pu V. Lalengmawia chuan zirtirna a pe a. Sawihona hun hlawkthlak tak neih a ni bawk.

IWMP hi Centrally Sponsored Scheme (CSS) pakhat niin 2009-10 khan Mizoramah bul tan a ni a. Rural Development Department chu Nodal Department niin, State Level Nodal Agency (SLNA) chu din niin, Chief Secretary kaihhruaina, Mizoram Watershed Development Agency (MzWDA) tih din a ni a. Rural Development Department Secretary chu Member Secretary niin, Rural Development Department Director chu Chief Executive Officer a ni a. District tinah District Watershed Cell-cum-Data Centre (DWCDC) chu District Rural Development Agency (DRDA) behchhanin din a ni bawk a. DWCDC-ah hian Deputy Commisioner chu Chairman niin, Project Director, DRDA chu Project Manager a ni bawk.

IWMP hnuaiah hian Project 89 kalpui mek a ni a, heng zing atang hian Project 16 chu kumin hian zawh (close) tum a ni.

IWMP hian a tuam chin Project-ah hian Major Activity hrang hrang heng Land Development, Soil & Moisture Conservation leh Water Harvesting Structure-te hi kalpui a ni a. Land Development hnuaiah hian Afforestation, Horticulture DeveIopment-te a hmalak a ni. Soil & Moisture Conservation hnuaiah hian Terrace, Contour, Bunding, Checkdam leh Wet Rice Cultivation (WRC) leh remchangte kalpui a ni a; Water Harvesting Structure hnuaiah hian tuilakna leh dahkhawlna te, Percolation Tank leh Farm Pond-te siam thin a ni a. Chumi atan chuan Programme dang kal ve te nen pawh thawhho (Converge) thin a ni bawk.

Vawiin workshop buatsaihah hian State Level Nodal Agency (SLNA) staff-te, District tin a Project Manager leh Technical Expert-te, Project enkawltu PlA-te leh Convergence Committee-a tel Department tin aiawhte he Workshop-ah hian an tel a ni.