Vawiin khan Mamit D.C conference hall ah Departmental Disaster Management Plan leh office safety plan in puahchah dan turah training neih a ni a. Mamit District Bawrhsap Pi Lalbiaksangi chu khuallian nìin keynote address in District chhunga Heads of Office leh Department kalkhawmte hmaah thusawina a nei.

District Bawrhsap chuan chhiatrupna lo thlen thulha kan hmachhawn dan tur lo inbuatsaih a, plan mumal tak kan siam hi the disaster management Act , 2005 chuan office tinte min phut tlat avangin ngai pawimawh theuh turin kalkhawmte a chah a ni. District chhunga office te chu July 15 chhunga an office disaster management plan siam a, deputy commissioner office ah thehlut theuh turin a chah bawk.

Training programme hi Pu H. Lianzela Addl D.C , DM&R Mamit District Nodal Officer ni bawkin a kaihruai a, Pu Lalchhuanawma, District Disaster Management Co_ordinator in Power Point Presentation hmangin kalkhawmte zirtirna a pe bawk ani.

He training programme ah hian zawhna leh chhanna hun hman nghal niin Pu Gaston Vanlalhriatpuia SDC Mamit in hun tawp khar nan lawmthu sawina a nei bawk.