Vawiin khan Mamit Chhim veng YMA Hall-ah Power & Electricity leh Joint Electricity Regulatory Commission ( JERC) Mizoram & Manipur tangkawpin an buatsaih workshop on Electricity Consumers awarness neih a ni.Pu K.Lalthawmmawia District Bawrhsap, Mamit chuan a hmanpui.

He Workshop hmanpuitu District Bawrhsap Pu K. Lalthawmmawia chuan Workshop hawnna thusawiin Power & Electricity leh JERC ten a District chhung mipui Consumer te hmakhua ngaia hetianga Workshop an buatsaihna-ah lawmthu a sawi a, hei hian Power hman chungchangah te leh eng kan chhit man ah te Consumer leh Department inkarah inhriatthiamna a thlen ngei a beisei thu a sawi a. Mipuiten Power kan hmanna ah Department in dan leh dun a siam te zawm thiam tur leh lungawi lohna kan neih te pawh kan thlen theihna dan awmte hmang tangkai thiam turin kalkhawm te a chah a ni.

District Bawrhsap chuan Workshop chhimtu ten vawiin a kan thil hriat hrang hrang te midangte hrilh chhawngtu ni theuh turin Workshop hmangtute a chah bawk.

He hunah hian Er.Lalchharliana Pachuau Chief Engineering, (JERC) chuan Supply Code & Consumer Grievances Redressal Regulation tih hmangin zirtirna a pe a, kawlphetha hman man bithliah dan tih Er H.Thanthianga Asst. Chief Engineering (JERC) leh Mizorama Energy hralh dan leh dinhmun te Er. Jolly Newman Superintendent Engineer Project Circle - 1 P&E Department ten zirtirna an pe bawk, Mizorama eng hmangtu 2013 - 2014 chhungin consumer 1.95 lakhs awmin, 2014 -2015 chhungin nuai 2 ah tlin chhoh rin a ni.Mizoram chhunga lui tuite atangin electric power 4500MW siam chhuak thei tura ngaih a laiin tun dinhmun ah 29.35 MW (0.6%) chauh siam chhuah ala nih thu tarlan a ni.

Chawhnu lamah sawihona hun hman ani bawk.