1376/2023-2024
Aizawl, 3.8 2023: Vawiin khan Pu H. Lalengmawia, Commissioner & Secretary, Power & Electricity Department kaihhruaiin a pisa ah "Promoting East of Living" tih thupui hmangin workshop neih a ni.
He thupui "Ease of Living" hian a tum ber chu ramchhung mipuiten awlsam leh hahdam zawka nitin mamawh (Services) hrang hrang an chhawr tangkai theih dan tur zirho leh duanchhuah a ni.
Kumin 2023 October thla vela neih tur 3rd National Conference of Chief Secretaries thupui atan pawh “Promoting Ease of Living” hi thlan a ni a. Hemi atan hian India ram State tin te dinhmun hriatchian zawk nan Central Sawrkar chuan form inang tlang (Template) an rawn siam a. Ease of Living atan hian ‘Kawlphetha’ (Electricity) pawh ngaih pawimawh zingah a tel a ni.
He workshop ah hian mipuiten khawvel changkanna mil zela Kawlphetha an neih a, a hman dan kawng awlsam zawk leh hahdam zawk an lo hriata, an lo hman tangkai theih dan tur hrang hrang zir ho a ni.
Kawlphetha (Electricity) chungchanga mutan leh harsatna awmte sawi ho niin, Consumer ten awlsam zawk leh tangkai zawka hamthatna hrang hrang an hriat theih dan tur leh kawng hrang hranga harsatna te a rang zawka tihfel a nih theih dan turte, Mizoram tana hmasawnna tur leh hmachhawpte sawi hova zir ho a ni.
He Workshop ah hian P&E Department official te bakah Prof. Chawngsailova, President, Mizoram Consumers Union te an tel.
