1375/2023-2025

Aizawl, the 3rd August, 2023: Mizo Zirlai Pawl leh Mizoram Sports & Youth Services Department tangkawpin an buatsaih Y20 Meet on Patriotism, Nationalism & Development chu vawiin chawhnu khan Govt Saitual College Auditorium, Saitual-ah hman a ni a. Lengteng Bialtu MLA leh Human Resource Development Vice chairman ni bawk Dr L Thangmawia chuan khuallian niin a hmanpui.

Khuallian Lengteng Bialtu MLA leh Human Resource Development Vice chairman ni bawk Dr L Thangmawia chuan thu sawiin, "Zohnahthlakte hi Harsatnain min hnukkhawm thin," a ti a, "Tunah chuan tunhmaa Lusei tawng hmang lo Mizo lo riaua hmuh ?hinna tam tak a bo tawh," tiin, "Tuna harsatna zawng zawng hi kan hnam indinchhoh hunah thawnthu ngaihnawm a la chang dawn a ni," a ti bawk.

L Thangmawia chuan, "Langsar lo rawngbawlnaah hian kan kal nat phawt chuan hma kan sawn ang," tia sawiin, "Hei hi kan intlansiakna tur a ni," a ti bawk. "Mi fak phut lo leh mi hmuh atan ni lova, kan ram leh hnam tana kan tih theih tawk thil tha kan tih suau suau chuan hma kan sawn ang," a ti bawk.