Vawiin khan nithum awh tur ‘Workshop on Psychosocial Care in Disaster Management & Rehabilation Department leh Mizoram Psychological Association (MPA) tangkawpin an buatsaih chu Hrangbana Seminar Hall, Govt. Hrangbana College-ah hawnna hun neih a ni a. Workshop hi Aizawl khawpui chhunga YMA Branch hrang hrang te leh khawpui pawn atanga thlan bikte tan buatsaih a ni.

Pu Zosangliana, Joint Director, DM&R Department chuan hmanpuiin Mizoram hi chhiatna chi hrang hrang thlen theihna hmun anih thu leh chhiatna a lo thlenin, chhiatna tuartu ten rilru lama harsatna an tawh thin thu te, hetiang lamna harsatna tawkte hian tun dinhmunah chuan ngaihven an la hlawh tawk loh thu leh heng lama harsatna tawh hian nasa taka nunphung a tih khaihlak thin thu a tarlang a. Kalkhawmte chu hlawk thei ang bera workshop hi hmanga mahni veng theuhah hetiang lam inhrilhhriatna uar deuh deuh turin a sawm a ni.

Workshop hi Dr. C.Vanlalhruaia, President, MPA in kaihruaiin Dr.Zothanzami, Gen.Secretary,MPA in workshop kalphung leh a pawimawhna te sawi hawnna a nei a. Workshop hian ni 22-24 November 2017 chhung a awh ang a, YMA Branch hrang hrangte chu batch thumah then an ni.