Vawiin chawhma dar 11 : 00 khan D.Cs Conference Hall, Saiha-ah " Workshop cum Farmers Field School Training on System of Rice Intensification, Saiha District " chu neih ani.

Pu S.Chinzah, A.E.O. Saiha District chuan he hun hi kaihruaiin kalkhawmte lawmna thu Pu James Vanlalluaia, D.A.O., Saiha District  chuan a sawi hnu-ah Khuallian District Bawrhsap Pu Kunal, I.A.S. chuan thu sawiin Loneitu kalkhawmte chu kan thlai tharte hlawk zawk a kan thar chhuah theih dan tur zir tura lokal an nih thu a sawi a, ei leh bara kan la intodelh loh zia sawiin hmasawnna tur tam tak kan nei ani, a ti a. Kan ram neihte hlawk zawk a hman tangkai a pawimawh thu sawiin kan thlai chin kawngah nasa zawka tan kan laka hlawk zawka thlai tharchhuah kan tum a pawimawh thu a sawi bawk. He thlai chin dan thar "System of Rice Intensification" (S.R.I.) hi loneituten kan hman tangkai theih ngei ka beisei ani, a ti bawk. S.R.I. hmanga buh leh thlai chinte thar hlawk bik dan leh a that bikna chi hrang hrangte tarlangin he training hi hlawkpui ngei turin kalkhawmte chu a chah bawk ani. S.R.I. kalphung leh a tumte pawh sawifiahin traininga kal velo te pawh he Buh chindan thar hi hrilhfiaha zirtir zel turin kalkhawmte chu a chah bawk ani.
 
He Workshop ah hian Pu Lalthanzuala, SMS (Agro), Directorate of Agriculture, Aizawl leh Pu C.Lalnithanga, APPO, Directorate of Agriculture, Aizawl ten " Technical Presentation of S.R.I." an nei a, zawhna leh chhanna hun te pawh neih ani. Saiha District chhung khaw hrang hrang atangin Loneitu mi 46 zet ten he Workshop hi an chhim a ni.