Vawiin chawhma dar 11:00 khan I & PR Auditorium, CHANEM building Champhai ah World AIDS Day 2011 chu hman a ni a. Pu R.Zarzosanga, Addl Deputy Commissioner Champhai District chuan khuallian niin he hun hi a hmanpui.
Dr.C.Zirliana. CMO Champhai District kaihhruai inkhawm ah hian thu sawiin Khuallian chuan Health Department kaltlangin AIDS natna dona kawngah hma chi hrang hrang lak a ni a.Tunah hian Champhai ah AIDS hospital bik pawh neih a ni dawn a, heng a awm tur te pawh hi mipuiten en hrang bik lo a, kan dawm thiam zawk te an ngai dawn a. chumi kawngah chuan tlawmngai pawl chi hrang hrang te, sawrkar in enkawltu pawl a dahte hi mipui ten kan tawiawm thiam a pawimawh hle dawn a ni ati a. Society hmasawn zel ah pawh tun hma aiin heng AIDS natna veite hi kan pawm dan pawh a ziawm tawh hle a, kiam lam aiin pun lam apan avangin vawiin a he ni pawimawh tak World AIDS Day hmanga lo kal te hi he natna pung zel tur do a tirem turin theihtawp chhuah turin ka sawm che u a ni a ti.
He inkhawm kaihruaitu Dr.C.Zirliana pawhin thusawiin AIDS natna hi Mizoram ah kan buaipui lian tak a ni a, khawvelin a buaipui lian berte zinga mi a ni bawk a, 1990 ah Mizoram ah hmuhchhuah a nih thu te leh taksa a khawih pawi dan chi hrang hrang te tarlangin kiam lam aiin pun lam a la pan zel thu a sawi a. He natna darhzau zel tur kawngah hian thisen test te zak lo turin kalkhawmte a hriattir a, heng natna veite hi enkawl dan tur dik taka enkawl an nih chuan reitak an dam thei a ni a ti bawk.
Vawiin World AIDS Day 2011 hmanna ah hian sawrkar department hotute leh tlawmngai pawl hrang hrang te leh HIV Positive te an kalkhawm a, Positive te hnen atang in thu sawi ngaihthlak a ni bawk.
Chawhnu lamah Kahrawt field atanga Bethel kawn thleng kawng zawh a ni a. He kawng zawh ah hian zirlai leh mi thahnem ngai thahnem tak telin an au rual a. World AIDS Day Pledge te sawi rualin, HIV Positive te leh DIS, DAPCU atang te in thusawi ngaihthlak a ni.
