Chrismas Bazar hun a lo hnaih leh tak avangin Superintendent of Police Traffic chuan mipui ka a kalte him zawk nan a hnuaia lirthei tlan dan leh parking hmunte ruahmanna thar a siam a. He ruahmanna thar hi 10th December, 2011 atanga hman tan tur a ni. Millenium Square Lirthei tlan dan tura ruahmanna :

(i) Motor Hmarlam pan Millenium Parking a lut tur leh Dawrpui Biak In chhaka Chhimlam a kual let turte chauh Millenium kawt kawng hnuaiah an tlan thei ang. City Bus Service chu a tlan phei tlang thei ang a, Police Station penga Stand atangin Thana thlang Transformer awmna hnuaiah a insawn phei thung ang. (ii) Hmarlam pan tur Motor dang zawng zawng chu kawng chungah tlan in Millenium chhak kawngah Hmarlam panin an tlan ang. (iii) Millenium Parking atanga chhuak Chhimlam pan duhte chu Dawrpui Biak In chhakah an tlan thla nghal thei ang. (iv) Hmarlam atanga Millenium Parking a lut duhte an tlan lut tlang thei ang.

Lirthei Hun Phallohna (No Parking): Power House, Electric Veng atanga Israel Point inkar lirthei eng chi mah dah phal a ni lovang.