508/2025-2026

Dated Aizawl the 8th May, 2025: Vawin khan Mizoram Health Systems Strengthening Project (MHSSP)  buatsaihin World Bank aiawhte leh Health and Family Welfare Department hotuten damdawiin inrelbawl dan leh damlo enkawlna tha zawk neih chhunzawmna tur leh thawktu indaihlohna avanga harsatna sutkian dan tur sawihona neiin Directorate of Hospital & Medical Education, Auditorium, MINECO-ah an thu khawm. Hemi hunah hian World bank lam atangin Dr. Aarushi Bhantnagar, Health Economist, Dr. Lincoln Chowdhury, Consultant leh Mr. Ranjeeth B Kumar, consultant te telin, Health department atangin Principal Director office, Directorate of Health Services, Directorate of Hospital and Medical Education, Directorate of AYUSH, Directorate of Nursing, ZMC-H, CMO Aizawl East leh West atang tein an kalkhawm a ni. 

He hunah hian Dr. Lily Chhakchhuak, Project Director MHSSP /Mission Director NHM chuan Health Dept hnuaia Officers kal khawm te lawmna leh chibai bukna neiin, MHSSP kaltlanga Health department hmasawnna hrang hrang te a sawi a. MHSSP hmalakna hnuaiah kan damdawiin te thuam changkan niin, kan damdawiin  18 laiin National Quality Assurance Standard (NQAS) certification an hmuh tawh thu a tarlang a ni. Mizoram  Universal Health Coverage hman an ni chho thei te hi lawmawm a tih thu sawiin heng zawng zawng hi mipuite tan vek a ni tih hria a theihtawpa tang leh zel turin a fuih bawk a ni.

He Meeting ah hian World Bank atangin Dr. Lincoln Chowdhury chuan Mizoramin damlo enkawlna quality tha zawk pek kawnga hmasawnna  leh Northeast India ah pawh a ti tha ber an nih thu sawiin, State dang tan pawh a entawntlak tak anih thu a sawi. Mizoram tan hmasawn zawnga kal zel theihna tura hmanrua tha tak tak hmun danga an lo kalpui tawh te a tarlang a ni. 

He hunah hian Mizoram a Health Department hnuaia thawktute chungchang MHSSP in zirchianna an neih chu Dr. Lalnuntluangi, Deputy Project Director, MHSSP chuan  presentation a pe a. Health Dept hnuaia hnathawktute zingah Regular aia Contractual staff an tam zawk thute leh  kan State Health budget atanga 68% lai thawktute hlawh atana hman ral thin anih thu tarlan a ni a. Health Department hnuaia thawk tu te thuam chak kawngah policy mumal tak thawktu te tana duante, medical lam zirna in neih belh a tul thu te, thawktu lak reng reng training mumal tak pek hmasak an tul thu te leh training na tur hmun bik leh hmanraw tha te a tul thu a tarlang bawk a ni. 

State Quality Assurance Committee leh an mawhphurhna chungchang te zirhona neih a ni bawk a, kalkhawm ten kan damlo enkawlna a lo changtlun zawkna atana rawtna hrang hrangte sawihona neih a ni bawk a ni.