World Consumer Rights Day chu vawiin khan ramchhung hmun dang te rualin Mamit Chhimveng YMA Hall-ah hman a ni a, Pi Lalbiaksangi, Chairman Mamit District Consumer Organisation (MDCO), District Bawrhsap chuan a hmanpui.

Vawiin Consumer Right Day hi mipuite tana hlawk zawka hman a nih theih nan District Bawrhsap Pi Lalbiaksangi kaihruaina in mipui ten kan thil lei leh hralh ah leh kawng hrang hranga harsatna kan tawh hrang hrangte kalkhawmte atanga zawhna zawt duhte te tan hun hawn niin zawhna lut hrang hrang te chhanna hun hman nghal a ni.

Consumer Right Day hmanna hun hi Pu Lalrinngheta, President, Mamit District Consumer Organisation (MDCO) in a kaihruai a, Pi Lalramthangi, Member, District Forum Mamit chuan thusawina neiin Consumer te dikna leh chanvo hrang hrang te, sawiin mipui ten dan kan hriat lohna a vanga kan dikna leh kan chonvo te haichhuah lohva a awm theih dan hrang hrang te tarlangin vawiin Consumer Right Day kan hman hi tangkai taka hmang turin kalkhawm te a sawm a, he hunah hian Mamit District Consumer Organisation a tangin Mamit dinhmun tarlang tura lemchan tawi hmuhnawm tak thlir hona neih a ni bawk.

Vawiin Consumer Right Day hmanna hunah hian NGO’s hrang hrang te Retailer leh Damdawi zuar te leh thil hrang hrang zuar tute leh inbiakpawhna lam aiawhte, Sawrkar Department hrang hrang aiawhte an tel a. Pi Lalchhandami SDO (S) Mamit in lawmthu sawiina neiin hun a khar a ni.