Vawiin khan Champhai DC Pu Vanlalngaihsaka hovin NLUP Line Department theuhva District Office hotute leh thawktute vawiin khan NLUP kaihhnawiha hmalakna thar pakhat “Beneficiary Impact Analysis” chungchang sawiin DC Conference Hall-ah an thukhawm.

DC chuan Beneficiary Impact Analysis hi NLUP beneficiary-te kaihhnawih information pawimawh tak tak awlsam leh rintlak phochhuah theihna tur kawng a nih thu a sawi a. Hemi avang hian a District level a thawktute piah lamah VLNC-te leh Beneficiary-te chu Form an fill-up naah an fimkhur a tul thu a sawi a. Tihsual awm lova ziahluh tur anih avangin fiah taka inhrilhriatna hun siam pawh a paimawh thu DC hian a tarlang a ni.

Vawiin meeting-ah hian DDK leh NIB inremsiamna ziah atanga IPR-NIB Development TV Programme kartin Zirtawpni a chhuak “Mizoram Hmasawnna Lamtluang” chungchang leh hemi atana Department ten an hnuai theuhva trade hrang hranga hmalakna phochhuah chungchang sawiho a ni bawk.

Beneficiary Impact Analysis hi NLUP kalpui tan hmasak ber atanga vawiin thlenga trade hrang hranga beneficiary zawng zawng information chhinchhiahna tur a ni a. A form-ah hian Beneficiary-te hming, veng leh chhungkaw chanchin, Trade thlan chungchang leh trade thlak te tan chumi kaihhnawih information-te a chuang a ni.