Vawiin khan District Institute of Education and Training (DIET) Aizawl chuan World Day for Prevention of Child Abuse (Naupangte hleihlenna leh tihduhdahna laka invenna Ni) hun chu Lalnuntluanga Hnamte, Principal hovin DIET Auditorium-ah an hmang.

Principal chuan thu sawiin tunlai khawvelah naupangte chu kawng hrang hranga venhim an ngaih thu leh hrekbehna leh mihring hmanga sumdawnna, nghaisakna, pawngsual leh ngaihthahna avanga harsatna tawk nasa thei an nih rualin chutih ruala kum tlinglo dan kalh a awm, thiante tihduhdah a, sual kawng dai mek te an awm thu a sawi a. Naupangte chu venhimna tha pek leh kaihhruaina mumal an dawn that a tul a ni, a ti.