Mizoram sorkar hnuaia Environment & Forests leh Mizoram Photographic Association tangkawpa World Environment Day 2011 puala ni 3 awh Photo Exhibition Aijal Club-a neih chu vawiin khan khar a ni a. He hun hi Environment & Forests Minister Pu H.Rohluna'n a hmanpui. 'Forests for All' tih thupui hmanga Photo Exhibition-ah hian mi 69 lai telin thlalak 410 phochhuah a ni a, ni 3 chhung hian tlawhtu mi 3000 chuang an awm bawk.
E&F Minister Pu H.Rohluna chuan thu sawiin Pathian thilsiam hlutzia Zofaten thlalak hmanga kan tarlang chhuak thei hi a ropui tak zet a, thangtharten environment hlutna leh humhalh a pawimawhzia an ngaihtuah pha tawh hi a lawmawm tak zet a ni, a ti. Hmanlai kan Mizo Lal ten thing leh mau leh nungchate hlutzia hriain ramngaw humhalh chin an siam thin a. Hun hrang hrang kan tawn chhoh zelah Mizoten kan ram kan ti chereu nasa hle a, amaherawhchu tunah chuan environment lamah kan harh thar nasa hle a, hei hian beisei thui tak he ram leh hnam tan a siam a ni, a ti. Pathian thil thlawn pek, he leia kan chen chhunga kan hman tangkai tur hi ren leh duat taka kan enkawl hi mitin mawhphurhna a ni a. Ramngaw, thing leh mau, nungcha leh boruak, sik leh sa tha taka kan enkawl theih tura insiamthat hi tute tih tur ni lovin mahni mawhphurhna theuhah kan pawm ngam tur a ni, a ti bawk.
World Environment Day 2011 puala High School & Higher Secondary School tan June ni 3, 2011 khan Painting Competition neih a ni tawh a. June ni 6, 2011 khan Middle School tan Environmental Quiz neih a ni bawk a. Photo Exhibition hi June ni 22-24 chhung neih a ni. E&F Minister hian vawiin inkhawm-ah khan heng inelna hrang hranga lawmman late hnenah Certificate, tangkafai leh trophy te a hlan nghal a ni.
Vawiin kharna inkhawm kaihruaitu Pu Liankima Lailung, IFS, DFO chuan kumin World Environment Day 2001 hi a vawi 39-na niin India-in a vawi khatna atan a thleng a, ramchhung hmun hrang hrangah environment lam inzirtirna leh humhalh chungchang mipuite hrilhhriatna lamah hmalak mek a ni, a ti. Kumin World Environment Day chuan mi zawng zawngin an zawm tur thu zirtir 3 a keng a, chungte chu :
1). Polythene aiah thil tawih thei, hman leh theih (recyclable) hman uar zawk.
2). Ha nawh laia tui herh haw reng lo tur.
3). Kan khawvel hi nang leh keia kut duhawm tak hmanga enkawlin awm rawh se.
World Environment Day 2011 puala High School & Higher Secondary School tan June ni 3, 2011 khan Painting Competition neih a ni tawh a. June ni 6, 2011 khan Middle School tan Environmental Quiz neih a ni bawk a. Photo Exhibition hi June ni 22-24 chhung neih a ni. E&F Minister hian vawiin inkhawm-ah khan heng inelna hrang hranga lawmman late hnenah Certificate, tangkafai leh trophy te a hlan nghal a ni.
Vawiin kharna inkhawm kaihruaitu Pu Liankima Lailung, IFS, DFO chuan kumin World Environment Day 2001 hi a vawi 39-na niin India-in a vawi khatna atan a thleng a, ramchhung hmun hrang hrangah environment lam inzirtirna leh humhalh chungchang mipuite hrilhhriatna lamah hmalak mek a ni, a ti. Kumin World Environment Day chuan mi zawng zawngin an zawm tur thu zirtir 3 a keng a, chungte chu :
1). Polythene aiah thil tawih thei, hman leh theih (recyclable) hman uar zawk.
2). Ha nawh laia tui herh haw reng lo tur.
3). Kan khawvel hi nang leh keia kut duhawm tak hmanga enkawlin awm rawh se.
