Vawiin hi World No Tobacco Day a nih angin Mizoram hmun hrang hrang ah hman a ni a. He hun hi Lunglei ah pawh District Tobacco Control Cell huaihawt in Nursing School Auditorium ah Lunglei District Anti-Tobacco Squad member te leh Nursing School Lunglei a zirlaite nen hman a ni. World No Tobacco Day, 2019 thupui atan hian "Tobacco and Lung Health" tih hman a ni.

He hun hi Dr.SR.Ngurchamliana, Medical Superintendent cum Dictrict Nodal Officer, NTCP in a kaihruai a, Rev.R.Lalbiakliana, Associate General Secretary, BCM chu khuallian a ni. Pi T.Rozami, Principal Nursing School Lunglei in hunserh hmang in Vanlalruata, Social Worker, NTCP Lunglei District report a pe a ni.

Khuallian Rev.R.Lalbiakliana chuan thu sawi in vaihlo zuk leh hmuam hman tan a ni chhoh dan te, kristianna leh zuk leh hmuam inhmeh loh zia leh kan nunphung a khawih buai theih zia chi hrang hrang in a sawi a. Ringtu kan nih anga zuk leh hmuam sim vat a tul zia te a sawi a ni.

Sylvia Zomuanpuii, Psychologist, NTCP Lunglei in World No Tobacco Day theme "Tobacco and Lung Health" thupui ah hmang in Powerpoint presentation pe in, vaihlo in chuap natna a thlen theih dan kawng hrang hrang leh midang meizuk khu hip atanga natna hrang hrang kan tawrh theih te-cancer mai nilo, thawkna lam a harsatna leh chuap natna a thlen theih dan a tarlang a. WHO in a tarlan danin Second hand smoke vang hian kumtina thi zat mi maktaduai khat vel an nih thu leh naupang kum 5 hnuailam 60,000 lai maiin thawkna lama harsatna an neih thin thu a sawi bawk a ni.