Vawiin khan World No Tobacco Week, 2018 kharna hun  Pu Bhupesh Chaudhary District Bawrhsap kaihruaina in Mamit-a Head of Offices ten D.C Conference Hall Mamit-ah neih a ni.                               

World No Tobacco  Day 2018 hi ni 31 May 2018 atang khan Mamit khawpui chhung hmun hrang hrangah te hman a ni a, a ni hmasa ber hi Govt Mamit Higher Secondary zirlai naupangte nen kawng zawhna hlawhtling tak neih a ni. Heng bakah naupang zawkten zuk leh hmuam that lohzia an hriat theihna tura hmalakna a tan zuk leh hmuam thatloh zia an nu leh pate hnena lehkhathawn hmanga intihsiakna buatsaih niin lawmman siam a ni bawk.

Dr Nancy Lalnunmawii, District Consultant chuan Mamit khawpui chhunga World No Tobacco Week hman a nih dan leh COTPA dan hnuaia zuk leh hmuam khuahkhirhna dan hrang hrang sawi zauna leh zirtirna a lem nen a nei a, Sec 4 hmanga  sorkar Office-a  zuk leh hmuam dan lekkawh dan tur,  hmalakna tur leh mawhphurhna hrang hrang bakah office a meizu mante chawitirna tur challan hman dan in hrilhhriat a nih bakah challan hi sem nghal a ni, heng challan hmanga chawitir zat te hi thla thum danah  District Bawrhsap hova en ho leh a ni ang. Heng bakah hian Mamit khawpui chhunga Office tinte chu Tobacco Smoke Free a puang theuh tura tih an ni a, heng free zone a puante hian Anti Tobacco Team dinin, thla tinvawikhat tal DC office ah report pe tura tih an ni bawk. Zuk leh hmuam that lohna thuziak chu Sawrkar Office tinah tar thar leh theuh ni se tih a ni bawk.

Vawiin Sensitization Programme  ah hian Mamit khawpui chhunga Sawrkar Department hrang hrangte an tel tha hle a ni.